ថ្ងៃចន្ទ ទី០២ ខែវិច្ឆិកា ឆ្នាំ២០២០ មន្ទីរពាណិជ្ជកម្មខេត្តកោះកុង បានចូលរួមសហការជាមួយសភាពាណិជ្ជកម្មខេត្ត ក្នុងកិច្ចប្រជុំស្តីពីការប្រកាសជាផ្លូវការ និងកិច្ចសហប្រតិបត្តិការ ការរៀបរៀង និងការបោះផ្សាយសៀវភៅមគ្គុទេសក៏វិនិយោគខេត្តកោះកុង ក្រោមអធិបតីភាព ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា នៅមន្ទីរពាណិជ្ជកម្មខេត្តកោះកុង ។ កិច្ចប្រជុំបានពិភាក្សាអំពីមាតិកា និងការប្រមូលព័ត៌មាន ដើម្បីរៀបរៀងសៀវភៅមគ្គុទេសក៏វិនិយោគខេត្តកោះកុង ។ ជាពិសេសខ្លឹមសារនៃអង្គប្រជុំ គឺសំដៅលើការចងក្រងព័ត៌មានសក្តានុពលរបស់ខេត្ត ដើម្បីទាក់ទាញវិនិយោគិនទាំងជាតិ និងអន្តរជាតិ ។
