លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង រួមជាមួយសហការី បន្តអញ្ជើញចុះសាកសួរសុខទុក្ខ ត្រួតពិនិត្យ និងសំណេះសំណាល ជាមួយកងកម្លាំងប៉ុស្តិ៍នគរបាលរដ្ឋបាលចំនួន ៣ នៃអធិការដ្ឋាននគរបាលស្រុកកោះកុង
ដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅថ្ងៃព្រហស្បតិ៍ ទី០២ ខែកក្កដា ឆ្នាំ២០២៦ លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង រួមជាមួយសហការី បន្តអញ្ជើញចុះសាកសួរសុខទុក្ខ ត្រួតពិនិត្យ និងសំណេះសំណាល ជាមួយកងកម្លាំងប៉ុស្តិ៍នគរបាលរដ្ឋបាលចំនួន ៣ នៃអធិការដ្ឋាននគរបាលស្រុកកោះកុង។
ក្នុងឱកាសជួបសំណេះសំណាល សាកសួរសុខទុក្ខ លោកឧត្តមសេនីយ៍ទោស្នងការ បន្តត្រួតពិនិត្យការស្នាក់នៅ ការហូបចុករបស់កងកម្លាំង ព្រមទាំងរបៀបរបប នៃការដឹកនាំអនុវត្តកិច្ចការងារ ការរៀបចំទុកដាក់ ឯកសារការងារប្រចាំថ្ងៃ នៅក្នុងប៉ុស្ដិ៍នគរបាលរដ្ឋបាលនីមួយៗ។
បន្ថែមពីនេះលោកស្នងការ ក៏បានត្រួតពិនិត្យលើឧបករណ៍សម្ភារមួយចំនួន ដែលមានចំណុចខ្វះខាត និងត្រូវបំពេញបន្ថែម ពិសេសកន្លែងធ្វើការត្រូវកែលម្អឱ្យបានសមរម្យ ស្របតាមលក្ខណៈជាទម្រង់រដ្ឋបាល ដើម្បីធានាបានដល់ការបម្រើសេវាសាធារណៈ ជូនបងប្អូនប្រជាពលរដ្ឋក្នុងមូលដ្ឋាន ឱ្យបានកាន់តែល្អប្រសើរ និងឆាប់រហ័ស។
ជាមួយគ្នានោះដែរលោក ស្នងការ ក៏បានឧបត្ថម្ភឧបករណ៍ សម្ភារ វិទ្យុទាក់ទងមួយចំនួន ជូនដល់ប៉ុស្តិ៍នគរបាលរដ្ឋបាល ប៉ុស្តិ៍ជ្រោយប្រស់ផងដែរ៕
