លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្ត បានជួបប្រជុំសំណេះសំណាល និងផ្ដល់ដំបូន្មានដល់ប្អូនៗនិស្សិតកម្មសិក្សាដែលមកធ្វើកម្មសិក្សាអនុវត្តគ្លីនិកនៅមន្ទីរពេទ្យបង្អែកខេត្តកោះកុង
នៅព្រឹកថ្ងៃព្រហស្បតិ៍ ៣រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកក្កដា ឆ្នាំ២០២៦ លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង ថ្នាក់ដឹកនាំ និងគ្រូកម្មសិក្សាគ្លីនិកមួយចំនួន បានជួបប្រជុំសំណេះសំណាល និងផ្ដល់ដំបូន្មានដល់ប្អូនៗនិស្សិតកម្មសិក្សាដែលមកធ្វើកម្មសិក្សាអនុវត្តគ្លីនិកនៅមន្ទីរពេទ្យបង្អែកខេត្តកោះកុង ក្នុងនោះលោកប្រធានមន្ទីរពេទ្យបានផ្ដល់អនុសាស្រ្ត និងដំបូន្មានសំខាន់ៗមួយចំនួនដូចជា៖
១.មនុស្សត្រូវមានសសរស្តម្ភ ៣ នៅក្នុងខ្លួន (ស. ៣៖ សីលធម៌ សមត្ថភាព និងសុខភាព)
២.ត្រូវចាត់ទុកខ្លួនឯង ជាមនុស្សទឹកកន្លះកែវ។
៣.ត្រូវមានភាពស្មោះត្រង់ ចំពោះខ្លួនឯង អ្នកជុំវិញខ្លួន និងសង្គមជាតិ ។
៤.មានតែចំណេះវិជ្ជា និងការអប់រំទេ ទេីបអាចអភិវឌ្ឍខ្លួនឯង និងសង្គមជាតិឱ្យរីកចម្រេីនបាន។
៥. ការអប់រំ គឺជាជាកូនសោរបេីកទ្វារឱ្យយេីងស្គាល់ពិភពលោក។
៦.គោលបំណងនៃការអប់រំ មិនមែនមានតែចំណេះដឹងទេ ប៉ុន្តែអាស្រ័យលេីសកម្មភាពនៃការអនុវត្តជាក់ស្តែង (not knowledge but actions)។
៧.ត្រូវមានចំណេះដឹងពិតប្រាកដ ទាំងជំនាញរឹង (Hard skills) និងជំនាញទន់ (Soft skills)។
៨.ក្នុងនាមជាគ្រូពេទ្យ យេីងត្រូវប្រកាន់ខ្ជាប់ជានិច្ចនូវគុណតម្លៃ ៖ ក្រមសីលធម៌វិជ្ជាជីវៈ (Professionalism) ក្តីអាណិតស្រលាញ់ (Compassion) ការគោរពឱ្យតម្លៃអ្នកជំងឺ (Respect) និងសុចរិតភាព (Integrity) ។
