រដ្ឋបាលខេត្តកោះកុង

កោះកុង នាព្រឹកថ្ងៃព្រហស្បតិ៍ ១១កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែមិថុនា ឆ្នាំ២០២៦ លោក គង់ សំរិទ្ធ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកោះកុង បានចាត់មន្ត្រីចំនួន ០១រូប ចូលរួមវគ្គបណ្តុះបណ្តាលស្តីពីវិធីសាស្ត្រការគ្រប់គ្រងករណី (ក្នុងក្របខណ្ឌកិច្ចការពារស្រ្តី និងកុមារ) នៃគម្រោងបង្កើតឱកាសដែលមានភាពធន់ ជាមួយការអភិវឌ្ឍក្នុងវិស័យសាកវប្បកម្ម ក្រោមអធិបតីភាព លោកជំទាវ ចេង វន្នី សមាជិកក្រុមប្រឹក្សាខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្ត វគ្គបណ្តុះបណ្តាលនេះប្រព្រឹត្តទៅនៅសាលប្រជុំសាលាស្រុកស្រែអំបិល ។