មន្ទីរផែនការខេត្តកោះកុង បានសហការជាមួយ នាយកដ្ឋានស្ថិតិសង្គមកិច្ច នៃវិទ្យាស្ថានជាតិស្ថិតិ ក្រសួងផែនការ បានរៀបចំបើកវគ្គបណ្តុះបណ្តាលដ៏មានសារៈសំខាន់ស្ដីពី ” វិធីសាស្រ្តវិភាគ និងចងក្រងសូចនាករស្ថិតិសុខាភិបាល ដោយប្រើប្រាស់ទិន្នន័យអង្កេតសេដ្ឋកិច្ច សង្គមកិច្ច និងកម្មវិធី SPSS “
មន្ទីរផែនការខេត្តកោះកុង បានសហការជាមួយ នាយកដ្ឋានស្ថិតិសង្គមកិច្ច នៃវិទ្យាស្ថានជាតិស្ថិតិ ក្រសួងផែនការ បានរៀបចំបើកវគ្គបណ្តុះបណ្តាលដ៏មានសារៈសំខាន់ស្ដីពី ” វិធីសាស្រ្តវិភាគ និងចងក្រងសូចនាករស្ថិតិសុខាភិបាល ដោយប្រើប្រាស់ទិន្នន័យអង្កេតសេដ្ឋកិច្ច សង្គមកិច្ច និងកម្មវិធី SPSS ” ដល់មន្ត្រីនៃមន្ទីរផែនការ និងមន្ត្រីមកពីមន្ទីរពាក់ព័ន្ធជុំវិញខេត្ត ក្រោយអធិបតីភាព លោក ជា ចាន់តុលា អគ្គនាយករងវិទ្យាស្ថានជាតិស្ថិតិ តំណាងដ៏ខ្ពង់ខ្ពស់ ឯកឧត្តម ណោ វ៉ានឌី នាយកវិទ្យាស្ថានជាតិស្ថិតិ ក្រសួងផែនការ ដែលប្រព្រឹត្តទៅរយៈពេល ៤ថ្ងៃ គិតចាប់ពីថ្ងៃទី២៣ ដល់ថ្ងៃទី២៦ ខែមិថុនា ឆ្នាំ២០២៦ នៅសាលប្រជុំធំមន្ទីរផែនការខេត្តកោះកុង ។ វគ្គបណ្តុះបណ្តាលនេះមានគោលបំណង ដើម្បីពង្រឹងសមត្ថភាពមន្ត្រីថ្នាក់ក្រោមជាតិលើជំនាញវិភាគ និងចងក្រងសូចនាករស្ថិតិសុខាភិបាល ដោយប្រើប្រាស់ទិន្នន័យបានមកពីការអង្កេតសេដ្ឋកិច្ច សង្គមកិច្ចកម្ពុជា។
ថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦
