រដ្ឋបាលខេត្តកោះកុង

លោក ឈិត រតនៈ អភិបាលរង នៃគណៈអភិបាលខេត្តកោះកុង និងជាប្រធានអនុគណៈកម្មការពិធីការ និងផ្សព្វផ្សាយ នៃគណៈកម្មការរៀបចំព្រឹត្តិការណ៍ រត់ប្រណាំង ៤.៧ គីឡូម៉ែត្រ និង៧ គីឡូម៉ែត្រ ដើម្បីអបអរសាទរពិធីសម្ពោធស្តូបអនុស្សាវរីយ៍នយោបាយឈ្នះ ឈ្នះ កោះកុង បានអញ្ជើញដឹកនាំកិច្ចប្រជុំពិភាក្សាការងារចាំបាច់មួយចំនួន របស់អនុគណៈកម្មការ។
តួនាទី និងភារកិច្ចរបស់អនុគណៈកម្មការនេះ មានភារកិច្ចដូចខាងក្រោម ៖
រៀបចំវេទិកាសម្រាប់គណៈធិបតី កៅអីគណៈអធិបតី និងភ្ញៀវចូលរួម
-សម្របសម្រួលជូនភ្ញៀវចូលរួម ស្របតាមទីតាំងដែលបានកំណត់
-រៀបចំតារាងកម្មវិធី និងពិធីករ ពិធីការិនី ដំណើរការកម្មវិធី និងកម្មវិធីសម្តែងសិល្បៈ
-រៀបចំផ្ទាំងបេនី(Banner) រចនាផ្ទាំងរូបភាព ស្លាកសញ្ញា ផ្ទាំងប៉ាណូ សម្រាប់ផ្សព្វផ្សាយ និងដាក់នៅទីតាំងរៀបចំព្រឹត្តិការណ៍ និងទីតាំងសំខាន់ៗផ្សេងៗ
-ធ្វើការផ្សព្វផ្សាយ អំពីព្រឹត្តិការណ៍ តាមរយៈវិទ្យុ ទូរទស្សន៍ និង បណ្តាញសង្គមនានា
-សហការជាមួយក្រុមហ៊ុនប្រមូលសំរាម ដើម្បីធានាអនាម័យ បរិស្ថានស្អាត នៅបរិវេណរៀបចំ ពិធី មុនពេល អំឡុងពេល និងក្រោយពេលប្រារព្ធព្រឹត្តិការណ៍នៅទីតាំងប្រារព្ធពិធី និងទីតាំង សំខាន់ៗផ្សេងៗ
-អនុគណៈកម្មការនេះមានសិទ្ធិប្រើមន្ត្រីក្រោមឱ្យវាទរបស់ខ្លួន
-បំពេញភារកិច្ចផ្សេងៗទៀត ដែលមានការពាក់ព័ន្ធតាមការណែនាំរបស់ប្រធានគណៈកម្មការ។
ថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦