រដ្ឋបាលខេត្តកោះកុង

លោក ឈេង សុវណ្ណដា អភិបាលរង នៃគណៈអភិបាលខេត្តកោះកុង តំណាងលោកជំទាវអភិបាលខេត្ត បានចូលរួមក្នុងកម្មសិទ្ធបញ្ញាពិភពលោក ឆ្នាំ២០២៦  ក្រោមមូលបទ(កម្មសិទ្ធបញ្ញា និងកីឡា) “​ ក្រោមអធិបតីភាពដ៏ខ្ពង់ខ្ពស់ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និង ឯកឧត្តម ហែម វណ្ណឌី រដ្ឋមន្រ្តីក្រសួង ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ដែលប្រារព្វធ្វើឡើងនៅ ទីស្តីការក្រសួងពាណិជ្ជកម្ម។ ជាមួយគ្នានេះដែរ ក្នុងទិវាកម្មសិទ្ធបញ្ញាពិភពលោក ឆ្នាំ២០២៦ ក៏មានកម្មវិធីធំៗអមដូចខាងក្រោម ៖
១./ ពិធីសម្ពោធ និងបើកសិក្ខាសាលាគម្រោងគ្លីនិកគ្រប់គ្រប់កម្មសិទ្ធបញ្ញា។
២./ ពិធីសម្ពោធ ដាក់អោយប្រើប្រាស់ប្រព័ន្ធទិន្នន័យ WIPO Publist Cloud សម្រាប់គ្រប់គ្រង និងវិភាគព័ត៌មានចុះបញ្ជីម៉ាក និងប្រព័ន្ធស្រាវជ្រាវ តាមដាន និងវិភាគម៉ាកសម្រាប់សាធារណៈជន រួមទាំងម៉ាកសម្គាល់ភូមិសាស្ត្រទំនិញរបស់កម្ពុជា។
៣./ ពិធីសម្ពោធម៉ាកសម្គាល់ភូមិសាស្រ្តទំនិញ ចំនួន៤ ៖
       – សូត្រមាសភ្នំស្រុក
       –  ក្តាមថ្មកោះកុង 
       – ស្វាយឧត្តរមានជ័យ
       – ស្វាយចន្ទីកំពង់ធំ)
៤./ ពិធីប្រគល់ជូនវិញ្ញាបនបត្រចុះបញ្ជីម៉ាកសម្គាល់ភូមិសាស្រ្តទំនិញ ៖
៥./ ទស្សនានៃការរៀបចំពិព័រណ៌ផលិផលខ្មែរ ទំនិញសម្គាល់ភូមិសាស្រ្ត និងផលិផលកីឡា។
ថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦