រដ្ឋបាលខេត្តកោះកុង

រដ្ឋបាលឃុំកោះស្ដេច
រដ្ឋបាលឃុំកោះស្ដេច បានរៀបចំកិច្ចប្រជុំសាមញ្ញលើកទី៤៧ ឆ្នាំទី៤ អាណត្តិទី៥ របស់ក្រុមប្រឹក្សាឃុំកោះស្ដេច ក្រោមអធិបតីភាព លោក ស៊ន ស្រិញ មេឃុំស្ដីទី និងជាប្រធានអង្គប្រជុំ ដែលមានរបៀបវារៈដូចខាងក្រោម៖
១.ពិនិត្យ និងអនុម័តកំណត់ហេតុកិច្ចប្រជុំសាមញ្ញរបស់ក្រុមប្រឹក្សាឃុំលេីកទី៤៦ ឆ្នាំទី៣ អាណត្តិទី៥
២.ពិនិត្យ និងអនុម័តរបាយការណ៍ ប្រចាំខែមេសា ឆ្នាំ២០២៦
៣.របាយការណ៍ ដែលនៅសេសសល់របស់ក្រុមប្រឹក្សាឃុំ ប៉ុស្តិ៍រដ្ឋបាល មេភូមិ និងសហគមន៍នេសាទ
៤.ពិនិត្យ និងអនុម័តកែសម្រួលសមាសភាពគណៈកម្មការលទ្ធកម្ម
៥. ពិនិត្យ និងអនុម័តកែសម្រួលសមាសភាពគណៈកម្មការ គកនក
៦. បញ្ហាប្រឈម និងដំណោះស្រាយ
៧. សេចក្ដីផ្សេងៗ
ដោយមានការអញ្ជេីញចូលរួមជាកិត្តិយសពីលោក រ៉ូវ រតនៈសម្បត្តិ សមាជិកក្រុមប្រឹក្សាស្រុកគិរីសាគរ ក្រៅពីនេះសមាជិកក្រុមប្រឹក្សាឃុំ នាយប៉ុស្តិ៍នគរបាលរដ្ឋបាល ប្រធានសហគមន៍នេសាទ មេភូមិ ស្មៀនឃុំ និងជំនួយការឃុំ ទាំងពីរ។      

ថ្ងៃចន្ទ ១១កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦
April 27, 2026