លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ បានដឹកនាំមន្ត្រីរាជការសាលាស្រុក អាជ្ញាធរឃុំអណ្ដូងទឹក ប្រជាការពារភូមិ និងមានការចូលរួមពីកម្លាំងមូលដ្ឋានកងរាជអាវុធហត្ថស្រុកបូទុមសាគរ ឧទ្យានជាតិបទុមសាគរ យុវវជនកាកបាទក្រហម យុវជនស.ស.យ.ក យុវជនក្មេងវត្ត ធ្វើការសម្អាតបរិស្ថាន នៅតាមបណ្ដោយផ្លូវជាតិ៤៨ រង្វង់មូលលោកតាសាយភូថង ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ដែលនឹងប្រព្រឹត្តទៅចាប់ពីថ្ងៃទី១៤-១៦ ខែមេសា ឆ្នាំ២០២៦ នាពេលខាងមុខ។ រដ្ឋបាលស្រុកបូទុមសាគរ សូមជូនដំណឹងដល់ វត្តអារាម សាលារៀន មណ្ឌលសុខភាព សាលាឃុំ អង្គភាពនានា ម្ចាស់រោងចក្រ សហគ្រាស ក្រុមហ៊ុនឯកជន និងអាជ្ញាធរមូលដ្ឋាន ជំរុញឱ្យប្រជាពលរដ្ឋទាំងអស់ ចូលរួមសម្អាតអនាម័យ បរិស្ថាន និងគ្រប់គ្រងសំណល់ប្លាស្ទិក នៅតាមគេហដ្ឋាន ទីសាធារណៈ និងរមណីយដ្ឋាន ឱ្យបានស្អាត និងមានរបៀបរៀបរយ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ យុទ្ធនាការនេះ ផ្តោតលើភាពស្អាត និងភាពបៃតង ដើម្បីទទួលស្វាគមន៍ភ្ញៀវទេសចរជាតិ និងអន្តរជាតិ។

ប្រភព:រដ្ឋបាលស្រុកបូទុមសាគរ

ថ្ងៃសុក្រ ១រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣ ខែមេសា ឆ្នាំ២០២៦ វេលាម៉ោង ៣:៣០នាទីរសៀល