រដ្ឋបាលខេត្តកោះកុង

លោក អន សុធារិទ្ធ អភិបាលរង នៃគណៈអភិបាលខេត្តកោះកុង បានអញ្ជើញចូលរួមសិក្ខាសាលា ស្តីពីការអភិវឌ្ឍ និងគ្រប់គ្រងទេសចរណ៍ ដើម្បីអបអរសាទរពិធីបុណ្យទន្លេ លើកទី១០ ឆ្នាំ២០២៦ ក្រោមប្រធានបទ៖ «ទន្លេបៃតង បេតិកភណ្ឌវប្បធម៌ និងធម្មជាតិមហាសាល» ដែលប្រព្រឹត្តទៅ នៅសាលមហោស្រពខេត្តក្រចេះ នាថ្ងៃទី២៧ ខែមីនា ឆ្នាំ២០២៦ ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ និងមានសិក្ខាកាមចូលរួម រដ្ឋបាលរជធានី ខេត្ត អាជ្ញាធរដែនដី អង្គការមិនមែនរដ្ឋាភិបាល អង្គការអភិរក្សបរិស្ថាន ប្រតិបត្តិករទេសចរណ៍ វិស័យឯកជន យុវជន និងភាគីពាក់ព័ន្ធផ្សេងៗ។ ជាលទ្ធផល សិក្ខាកាមទទួលបានចំណេះដឹងថ្មីៗអំពីការអភិរក្សបរិស្ថាន

-ការយល់ដឹងអំពីតួនាទីសហគមន៍កាន់តែប្រសើរ

-កើនឡើងនូវសមត្ថភាពក្នុងការអនុវត្តសកម្មភាពអភិរក្ស

-បង្កើតការសហការល្អរវាងភាគីពាក់ព័ន្ធ

-ផែនការសកម្មភាពសម្រាប់អនុវត្តនៅមូលដ្ឋាន។
ថ្ងៃសុក្រ ៩កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែមីនា ឆ្នាំ២០២៦