រដ្ឋបាលខេត្តកោះកុង

លោក ហ៊ុន ម៉ារ៉ាឌី ប្រធានមន្ទីរបរិស្ថានខេត្ត បានអញ្ជើញជាអធិបតីក្នុងកិច្ចប្រជុំ «បូកសរុបលទ្ធផលការងារឆ្នាំ២០២៥ និងលើកទិសដៅអនុវត្តន៍បន្តសម្រាប់ឆ្នាំ២០២៦» របស់មន្ទីរបរិស្ថានខេត្តកោះកុង។

កិច្ចប្រជុំនេះមានការចូលរួមពី
-លោកអនុប្រធានមន្ទីរ
-លោក-លោកស្រី ប្រធាន និងអនុប្រធានការិយាល័យ
-មន្ត្រីរាជការ និងមន្ត្រីជាប់កិច្ចសន្យានៃការិយាល័យជំនាញ
-លោកនាយក-នាយករង តំបន់ការពារធម្មជាតិ
សរុបចំនួន ៨៥នាក់ (ស្រី ៧នាក់)។

កិច្ចប្រជុំនេះមានគោលបំណង: ការពិនិត្យ និងវាយតម្លៃខ្ពស់លើសមិទ្ធផលដែលមន្ទីរបរិស្ថានខេត្តសម្រេចបានក្នុងឆ្នាំ២០២៥ កន្លងទៅ ជាពិសេសលើការងារគ្រប់គ្រងធនធានធម្មជាតិ ការអភិរក្សជីវៈចម្រុះ និងការលើកកម្ពស់សោភ័ណភាពបរិស្ថានក្នុងខេត្ត។ ទន្ទឹមនឹងនោះ លោកប្រធានមន្ទីរបានដាក់ចេញនូវទិសដៅការងារ និងយុទ្ធសាស្ត្រថ្មីៗសម្រាប់ឆ្នាំ២០២៦ ដើម្បីពង្រឹងប្រសិទ្ធភាពការងារឱ្យកាន់តែល្អប្រសើរឡើងស្របតាមគោលនយោបាយរបស់ក្រសួងបរិស្ថាន។

លោក ហ៊ុន ម៉ារ៉ាឌី ក៏បានថ្លែងអំណរគុណ និងកោតសរសើរដល់មន្ត្រីគ្រប់លំដាប់ថ្នាក់ ដែលបានខិតខំបំពេញភារកិច្ចយ៉ាងសកម្ម និងបានជំរុញឱ្យបន្តស្មារតីសាមគ្គីភាពផ្ទៃក្នុង ដើម្បីសម្រេចបាននូវផែនការដែលបានដាក់ចេញសម្រាប់ឆ្នាំថ្មីនេះ។

ថ្ងៃទី២៤ ខែមករា ឆ្នាំ២០២៦