រដ្ឋបាលខេត្តកោះកុង

រដ្ឋបាលស្រុកបូទុមសាគរ សូមជម្រាបជូនដល់ បងប្អូនប្រជាពលរដ្ឋដែលរស់នៅក្នុងស្រុកបូទុមសាគរមេត្តាជ្រាបថា៖ ក្រុមការងារផ្នែកអត្តសញ្ញាណប័ណ្ណ នៃអធិការដ្ឋាននគរបាលស្រុកបូទុមសាគរ នឹងចុះបំពេញបែបបទនីតិវិធី សុំផ្តល់អត្តសញ្ញាណប័ណ្ណសញ្ជាតិខ្មែរ ជូនបងប្អូនប្រជាពលរដ្ឋគ្រប់អាយុ១៥ឆ្នាំឡើង ដែលមិនទាន់មានអត្តសញ្ញាណប័ណ្ណសញ្ជាតិខ្មែរប្រើប្រាស់ និងប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរ អស់សុពលភាព ឬនិងត្រូវអស់សុពលភាពតិចជាង ១៨០ថ្ងៃ តាមការបរិច្ឆេទ និងទីតាំងដូចខាងក្រោម៖-ទីតាំងសុំផ្តល់អត្តសញ្ញាណប័ណ្ណសញ្ជាតិខ្មែរ ធ្វើនៅប៉ុស្តិ៍នគរបាលរដ្ឋបាលឃុំកណ្តោល ស្ថិតនៅក្នុងឃុំកណ្តោល ស្រុកបូទុមសាគរ ខេត្តកោះកុង ចំនួន ០២ថ្ងៃ “ពីរថ្ងៃ” ដោយគិតចាប់ពីថ្ងៃទី២០-២១ ខែមករា ឆ្នាំ២០២៦។សូមបញ្ជាក់ចំពោះឯកសារត្រូវភ្ជាប់មកជាមួយ៖ -ចំពោះប្រជាពលរដ្ឋគ្រប់អាយុ ១៥ឆ្នាំឡើង ត្រូវភ្ជាប់ឯកសារជាមួយសំបុត្របញ្ជាក់កំណើត សៀវភៅស្នាក់នៅ ឬសៀវភៅគ្រួសារ “ច្បាប់ដើម”។-ចំពោះបងប្អូនប្រជាពលរដ្ឋ អត្តសញ្ញាណប័ណ្ណខ្មែរ ដែលអស់សុពលភាព ត្រូវភ្ជាប់ឯកសារមកជាមួយនូវអត្តសញ្ញាណប័ណ្ណសញ្ជាតិខ្មែរ ដែលអស់សុពលភាព “សូមភ្ជាប់មកជាមួយសៀវភៅស្នាក់នៅ”។សេចក្តីជូនដំណឹងនេះ ចាត់ជាការជម្រាបជូនដល់បងប្អូនប្រជាពលរដ្ឋ មេត្តាជ្រាបជាព័ត៌មាន។ប្រភព:រដ្ឋបាលស្រុកបូទុមសាគរ

ថ្ងៃព្រហស្បតិ៍ ១២រោច ខែបុស្ស ឆ្នាំម្សាញ់ សប្ដស័ក ព.ស.២៥៦៩ត្រូវនឹងថ្ងៃទី១៥ ខែមករាឆ្នាំ២០២៦