រដ្ឋបាលខេត្តកោះកុង

សេចក្តីអំពាវនាវ
រដ្ឋបាលស្រុកបូទុមសាគរ សូមគោរពជម្រាបជូន ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា អាជីវករពាណិជ្ជករ ម្ចាស់សណ្ឋាគារ ផ្ទះសំណាក់ រោងចក្រ សហគ្រាស បណ្តាក្រុមហ៊ុន ធនាគារឯកជន គ្រឹះស្ថាន មីក្រូហិរញ្ញវត្ថុ អង្គការ សមាគមនានា និងសប្បុរសជន មេត្តាជ្រាបថា ដើម្បីរួមចំណែកដោះស្រាយការលំបាករបស់កងកម្លាំង ដែលបំពេញកាតព្វកិច្ចប្រចាំការនៅតាមបន្ទាត់ព្រំដែន និងត្រៀមលក្ខណៈដឹកជញ្ជូនប្រជាជន និងផ្គត់ផ្គង់គ្រឿងឧបភោគបរិភោគ ព្រមទាំងដើម្បីរៀបចំទីជម្រកសុវត្ថិភាពជូនប្រជាជនភៀសសឹក។
រដ្ឋបាលស្រុកបូទុមសាគរ សូមអំពាវនាវដល់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា អាជីវករពាណិជ្ជករ ម្ចាស់សណ្ឋាគារ ផ្ទះសំណាក់ រោងចក្រ សហគ្រាស បណ្តាក្រុមហ៊ុន ធនាគារឯកជន គ្រឹះស្ថាន មីក្រូហិរញ្ញវត្ថុ អង្គការ និងសមាគមនានា សប្បុរសជន មេត្តាជួយឧបត្ថម្ភនូវថវិកា សម្ភារ គ្រឿងឧបភោគបរិភោគ ដើម្បីរួមចំណែកជាមួយ រដ្ឋបាលស្រុកបូទុមសាគរ ក្នុងការជួយគាំទ្រដល់កិច្ចការខាងលើឱ្យបានល្អប្រសើរ ។
ទទួលបានលិខិតអំពាវនាវនេះ រដ្ឋបាលស្រុកបូទុមសាគរ សង្ឃឹមជឿជាក់នូវទឹកចិត្តសប្បុរសធម៌ ចូលរួមរបស់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា អស់លោក លោកស្រីទាំងអស់ ក្នុងស្មារតីមនុស្សធម៌ និង វប្បធម៌ចែករំលែក ជាក់ជាពុំខាន។