រដ្ឋបាលខេត្តកោះកុង

លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ជាប្រធានគណៈកម្មាធិការ អ ន ក ខេត្តកោះកុង បានដឹកនាំក្រុមលេខាធិការដ្ឋាន អ ន ក ខេត្ត ប្រធាន អនុប្រធានគណកម្មាធិការ អ ន ក ស្រុកស្រែអំបិល ប្រធានសាខា អ ន ក ឃុំបឹងព្រាវ បានពាំនាំអនុសាសន៍ ដ៏ខ្ពង់ខ្ពស់របស់សម្តេចអគ្គមហាសេនាធិបតីតេជោ ហ៊ុន សែន ប្រធានព្រឹទ្ធសភា នៃព្រះជាណាចក្រកម្ពុជា ជាប្រធានសមាគមអតីតយុទ្ធជន និងនិវត្តជនកម្ពុជា បានចុះសួរសុខទុក្ខ ដល់គ្រួសារនៃសពជាសមាជិក អ ន ក ដែលបានទទួលមរណភាព កាលពីថ្ងៃទី៣០ ខែវិច្ឆិកា ឆ្នាំ២០២៥ វេលាម៉ោង១១ និង៤៥នាទី ដោយរោគគាពាធ ឱ្យចូលរួម គាំទ្រ រាជរដ្ឋាភិបាលកម្ពុជា និងថែរក្សាសន្តិភាព ជូនជាតិមាតុភូមិ ហេីយក៏នាំយកថវិកាបេឡាមរណសង្គ្រោះ ចំនួន៤លានរៀល។ និងអំណោយមនុស្សធម៌ដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជអាណាចក្រកម្ពុជា ជាអនុប្រធានទី១ នៃសមាគមអតីតយុទ្ធជន និងនិវត្តជនកម្ពុជា និងលោកជំទាវបណ្ឌិត ពេជ ចន្ទមុន្នី រួមមានដូចខាងក្រោម :
១/អង្ករចំនួន ២បាវតូច មីចំនួន ១កេសតូច ទឹកត្រីចំនួន ១កេស និងទឹកសុីអុីវចំនួន ១កេស។
២/លោកជំទាវ ឈី វ៉ា អភិបាល នៃគណៈអភិបាលខេត្ត ជាអនុប្រធានកិត្តិយស អ ន ក ខេត្តឧបត្ថម្ភថវិកាចំនួន ៥០មុឺនរៀល។
ប្រគល់ ជូនដល់គ្រួសារនៃសពលោក យឹម ជៀន(និវត្តជន) ជាសមាជិក អ ន ក នៅភូមិ បឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង។
ថ្ងៃពុធ ១៣កើត ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣ ខែធ្នូ ឆ្នាំ២០២៥