រដ្ឋបាលឃុំកោះស្ដេច បានចុះពិនិត្យនិងហាមឃាត់ផ្ទះដែលផ្ទេរ និងបញ្ចូលឧស្ម័នហ្គាសនៅក្នុងភូមិកោះស្ដេច

លោក ស៊ន ស្រិញ មេឃុំស្ដីទី បានដឹកនាំមេភូមិកោះស្ដេច ប៉ូលិសប៉ុស្តិ៍នគរបាលរដ្ឋបាល និងប្រជាការពារ ចុះពិនិត្យ និងហាមឃាត់ផ្ទះដែលផ្ទេរ និងបញ្ចូលឧស្ម័នហ្គាស ពុំមានច្បាប់អនុញ្ញាតសរុបចំនួនពីរខ្នងផ្ទះ ស្ថិតនៅភូមិកោះស្ដេច ឃុំកោះស្ដេច ស្រុកគិរីសាគរ ខេត្តកោះកុង។ បន្ទាប់ពីបានពិនិត្យ និងបញ្ឈប់ការផ្ទេរ និងបញ្ចូលឧស្ម័នហ្គាសរួចមក លោកមេឃុំស្ដីទី បានធ្វេីការណែនាំដល់ពួកគាត់ទាំងពីរត្រូវទៅសុំលិខិតអនុញ្ញាតអាជីកម្មផ្ទេរ និងបញ្ចូលឧស្ម័នហ្គាស នៅការិយាល័យច្រកចេញចូលតែមួយស្រុក និងបានណែនាំឱ្យពួកគាត់រកទីតាំងណាដែលនៅឆ្ងាយពីទីប្រជុំជន។ ជាលទ្ធផល ពួកគាត់ទាំងពីរបានយល់ព្រមស្ដាប់តាមការណែនាំរបស់អាជ្ញាធរ និងសន្យាទៅស្នេីសុំអាជីវកម្មនៅការិយាល័យច្រកចេញចូលតែមួយ ព្រមទាំងនឹងស្វែងរកទីតាំងថ្មីដែលមិនបង្កហានិភ័យផ្សេងៗដល់ប្រជាជនរស់នៅជិតខាង។