រដ្ឋបាលខេត្តកោះកុង

លោក ជា ស៊ីវត្រា ប្រធានមន្ទីរផែនការខេត្តកោះកុង អញ្ជើញចូលរួមក្នុងពិធីប្រកាសផ្សព្វផ្សាយរបាយការណ៍លទ្ធផលអង្កេតកសិកម្ម ឆ្នាំ២០២៤ រៀបចំដោយ វិទ្យាស្ថានជាតិស្ថិតិនៃក្រសួងផែនការ សហការជាមួយក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្មនៃសហប្រជាជាតិប្រចាំកម្ពុជា(FAO) ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ ដោយមានការអញ្ជើញចូលរួមពីឯកឧត្តម រិន វីរៈ រដ្ឋលេខាធិការក្រសួងផែនការ និងជាប្រធានក្រុមប្រឹក្សាភិបាល វិទ្យាស្ថានជាតិស្ថិតិ លោកស្រី Rebekah Bell នាយិការអង្គការស្បៀង និងកសិកម្មនៃសហប្រជាជាតិ (FAO) ប្រចាំកម្ពុជា ឯកឧត្តម លោកជំទាវ លោក លោកស្រី តំណាងក្រសួង ស្ថាប័ន ដៃគូអភិវឌ្ឍ ភ្ញៀវជាតិ និងអន្តរជាតិ នៅសណ្ឋាគារកាំបូឌីយ៉ាណា។ ពិធីប្រកាសផ្សព្វផ្សាយនេះរៀបចំឡើងក្នុងគោលបំណងដើម្បីដាក់ឱ្យប្រើប្រាស់ជាផ្លូវការនូវរបាយការណ៍លទ្ធផលអង្កេតកសិកម្មកម្ពុជាឆ្នាំ២០២៤ ដល់ក្រសួងស្ថាប័នពាក់ព័ន្ធ អង្គការជាតិ អន្តរជាតិ និងអ្នកប្រើប្រាស់ផ្សេងទៀតសម្រាប់រៀបចំគោលនយោបាយអភិវឌ្ឍន៍វិស័យកសិកម្ម និងគោលដៅអភិវឌ្ឍន៍ប្រកបដោយចីរភាពរបស់រាជរដ្ឋាភិបាលកម្ពុជា។

ថ្ងៃព្រហស្បតិ៍ ៧កើត ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែវិច្ឆិកា ឆ្នាំ២០២៥