រដ្ឋបាលខេត្តកោះកុង

វេលាម៉ោង ១៤:០០ នាទីរសៀល រដ្ឋបាលឃុំថ្មដូនពៅ បានបើកកិច្ចប្រជុំសាមញ្ញលើកទី៤២ អាណត្តិទី៥ របស់ក្រុមប្រឹក្សាឃុំថ្មដូនពៅ ប្រចាំខែវិច្ឆិកា ឆ្នាំ២០២៥ ក្រោមអធិបតីភាពលោក សៀង ថន ប្រធានក្រុមប្រឹក្សាឃុំ និងជាប្រធានអង្គប្រជុំ មានអ្នកអញ្ជើញចូលរួមដូចជា លោក លោកស្រី សមាជិកក្រុមប្រឹក្សាឃុំ ប៉ុស្ដិ៍នគរបាលរដ្ឋបាល ស្មៀនឃុំ មន្ត្រីប៉ុស្ដិ៍សុខភាព មេភូមិ អនុភូមិសមាជិកភូមិ នៃឃុំថ្មដូនពៅ លោកនាយកសាលាទាំងបី និងជំនួយការរដ្ឋបាលឃុំទាំងពីរ  សរុប ១៦នាក់ ស្រី ០៦នាក់ នៅសាលាឃុំថ្មដូនពៅ ។

 • អង្គប្រជុំបានអនុម័តលើរបៀបវារៈ សម្រាប់កិច្ចប្រជុំសាមញ្ញរបស់ក្រុមប្រឹក្សាឃុំ លើកទី៤២ មានដូចខាងក្រោម៖

1. ពិនិត្យ និងអនុម័ត សេចក្តីព្រាងកំណត់ហេតុអង្គប្រជុំលើកទី៤១ របស់ក្រុមប្រឹក្សាឃុំ

2. ពិនិត្យ ពិភាក្សា និងអនុម័ត សេចក្តីព្រាងរបាយការណ៍ស្តីពី ការអនុវត្តការងាររបស់រដ្ឋបាលឃុំ ថ្មដូនពៅ ប្រចាំខែវិច្ឆិកាឆ្នាំ២០២៥

3. ពិនិត្យ ពិភាក្សា និងអនុម័ត របាយការណ៍ប្រចាំខែវិច្ឆិកា ស្ដីពីការអនុវត្តមូលនិធិគាំទ្រការផ្ដល់សេវាឃុំ សង្កាត់ របស់រដ្ឋបាលឃុំថ្មដូនពៅ

4. ពិនិត្យ ពិភាក្សា និងអនុម័ត របាយការណ៍ប្រចាំខែវិច្ឆិកា ឆ្នាំ២០២៥ របស់គណៈកម្មាធិការកិច្ចការនារី និងកុមារឃុំ

5. ពិនិត្យ ពិភាក្សា និងអនុម័ត សេចក្តីព្រាងរបៀបវារៈកិច្ចប្រជុំសាមញ្ញលើកទី៤៣ របស់ក្រុមប្រឹក្សាឃុំ

6. បញ្ហាផ្សេងៗ