លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ជាប្រធានគណៈកម្មាធិការ អ ន ក ខេត្តកោះកុង បាននាំយកថវិកាបេឡាមរណសង្គ្រោះ ចំនួន៤លានរៀល និងអំណោយមនុស្សធម៌ដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជអាណាចក្រកម្ពុជា ជាអនុប្រធានទី១ នៃសមាគមអតីតយុទ្ធជន និងនិវត្តជនកម្ពុជា និងលោកជំទាវបណ្ឌិត ពេជ ចន្ទមុន្នី និងសប្បុរសជន ប្រគល់ជូនដល់គ្រួសារនៃសពលោក សាត សេរីវឌ្ឍនា(និវត្តជន) ជាសមាជិក អ ន ក នៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង
លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ជាប្រធានគណៈកម្មាធិការ អ ន ក ខេត្តកោះកុង បានដឹកនាំក្រុមលេខាធិការដ្ឋាន អ ន ក ខេត្ត ប្រធាន អនុប្រធានគណកម្មាធិការ អ ន ក ស្រុកមណ្ឌលសីមា ប្រធានកិត្តិយស អ ន ក ឃុំបាក់ខ្លង និងប្រធានសាខា អ ន ក ឃុំបាក់ខ្លង បានពាំនាំអនុសាសន៍ ដ៏ខ្ពង់ខ្ពស់របស់សម្តេចអគ្គមហាសេនាធិបតីតេជោ ហ៊ុន សែន ប្រធានព្រឹទ្ធសភា នៃព្រះជាណាចក្រកម្ពុជា ជាប្រធានសមាគមអតីតយុទ្ធជន និងនិវត្តជនកម្ពុជា ចុះសួរសុខទុក្ខ ដល់គ្រួសារនៃសពជាសមាជិក អ ន ក ដែលបានទទួលមរណភាព កាលពីថ្ងៃទី១៨ ខែវិច្ឆិកាឆ្នាំ២០២៥ វេលាម៉ោង ២និង០០នាទីព្រឹក ដោយរោគគាពាធ និងនាំយកថវិកាបេឡាមរណសង្គ្រោះ ចំនួន៤លានរៀល និងអំណោយមនុស្សធម៌ដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជអាណាចក្រកម្ពុជា ជាអនុប្រធានទី១ នៃសមាគមអតីតយុទ្ធជន និងនិវត្តជនកម្ពុជា និងលោកជំទាវបណ្ឌិត ពេជ ចន្ទមុន្នី រួមមានដូចខាងក្រោម :
១/អង្ករចំនួន២បាវតូច មីចំនួន១កេសតូច ទឹកត្រីចំនួន១កេស និងទឹកសុីអុីវចំនួន១កេស និងថវិកា ចំនួន ១ ១៨០ ០០០រៀល។
២/លោកជំទាវ ឈី វ៉ា អភិបាល នៃគណៈអភិបាលខេត្ត ជាអនុប្រធានកិត្តិយស អ ន ក ខេត្តឧបត្ថម្ភថវិកា ចំនួន៥០មុឺនរៀល។
៣/កងវរសេនាតូច៣៣៧(ព្រំដែន)ឧបត្ថម្ភថវិកាចំនួន ៦០មុឺនរៀល។
៤/លោក ថូវ ប៊ុនកេ មេឃុំជាប្រធាន កិត្តិយស អ ន ក ឃុំបាក់ខ្លង ឧបត្ថម្ភថវិកាចំនួន ១០មុឺនរៀល។
ប្រគល់ជូនដល់គ្រួសារនៃសពលោក សាត សេរីវឌ្ឍនា(និវត្តជន) ជាសមាជិក អ ន ក នៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង។
ថ្ងៃពុធ ១៤រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែវិច្ឆិកា ឆ្នាំ២០២៥
