រដ្ឋបាលខេត្តកោះកុង

មន្ទីរផែនការខេត្តកោះកុង សហការជាមួយ អគ្គនាយកដ្ឋានផែនការ នៃក្រសួងផែនការ រៀបចំវគ្គបណ្តុះបណ្តាលរំលឹកស្ដីពី ការប្រើប្រាស់មុខងារបន្ថែមក្នុងកម្មវិធីគ្រប់គ្រងទិន្នន័យគម្រោងវិនិយោគ (SPD) ក្រោមអធិបតីភាព ឯកឧត្តម វ៉ា សុផល អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ លោក ឡៅ ប៊ុនខេង អភិបាលរង នៃគណៈអភិបាលខេត្តកោះកុង ព្រមទាំងមានអញ្ជើញចូលរួមពី លោក ជា ស៊ីវត្រា ប្រធានមន្ទីរផែនការខេត្តកោះកុង លោក លោកស្រី ប្រធាន អនុប្រធានមន្ទីរផែនការ រួមមន្ត្រីបច្ចេកទេសនៃមន្ទីរផែនការ ២៥រាជធានី ខេត្ត អ្នកសម្របសម្រួលជាទីប្រឹក្សា លេខាធិការដ្ឋាន គ.អ.ប និងមកពីនាយកដ្ឋានផែនការថ្នាក់ក្រោមជាតិ សរុប ៨២នាក់ ចំនួន ២ថ្ងៃ គិតចាប់ពីថ្ងៃទី១៩ ដល់ថ្ងៃទី២០ ខែវិច្ឆិកា ឆ្នាំ២០២៥ នៅសាលប្រជុំធំមន្ទីរផែនការខេត្តកោះកុង។ វគ្គបណ្តុះបណ្តាលនេះមានគោលបំណង ដើម្បីគាំទ្រផ្នែកបច្ចេកទេសពាក់ព័ន្ធនិងការគ្រប់គ្រង ការប្រើប្រាស់ប្រព័ន្ធទិន្នន័យគម្រោងប្រកបដោយគុណភាព ការសស្រាយបញ្ហា ការផលិតរបាយការណ៍នានា ជាពិសេសលើមុខងារបន្ថែមមួយចំនួនសម្រាប់បម្រើដល់កម្មវិធីវិនិយោគ៣ឆ្នាំរំកិលនៅថ្នាក់ក្រោមជាតិ ។

ថ្ងៃពុធ ១៤រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែវិច្ឆិកា ឆ្នាំ២០២៥