រដ្ឋបាលខេត្តកោះកុង

លោក ឡុង ពុទ្ធី ប្រធានមន្ទីរមុខងារសាធារណៈខេត្តកោះកុង លោក ប៊ិន នរី អនុប្រធានការិយាល័យ ក្របខ័ណ្ឌ និងបណ្ដុះបណ្ដាល និងមន្រ្តីជំនាញ នៃមន្ទីរមុខងារសាធារណៈខេត្ត បានអញ្ជើញចូលរួមក្នុង «សិក្ខាសាលាស្ដីពីការចែករំលែកបទពិសោធនៃការគ្រប់គ្រង និងការផ្ដល់សេវាសាធារណៈគំរូរបស់ជ័យលាភីអង្គភាពផ្ដល់សេវាសាធារណៈគំរូក្នុងវិស័យអប់រំ ឆ្នាំ២០២៤ សម្រាប់កម្រិតមត្តេយ្យសិក្សា» ក្រោមអធិបតីភាពក្នុងពិធីបើកសិក្ខាសាលាដ៏ខ្ពង់ខ្ពស់ដោយ ឯកឧត្ដម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធាគណៈកម្មការវាយតម្លៃអង្គភាពផ្ដល់សេវាសាធារណៈថ្នាក់ជាតិ (គ.វ.ជ.)។   សិក្ខាសាលាកំពុងនឹងប្រព្រឹត្តិទៅរយៈពេល ២ថ្ងៃ គឺចាប់ពីថ្ងៃទី១០ ដល់ថ្ងៃទី១១ វិច្ឆិកា ២០២៥។

សិក្ខាសាលានេះជាផ្នែកមួយនៃការចូលរួមពង្រឹងការផ្ដល់សេវាសាធារណៈគំរូតាមរយៈចលនាប្រឡងប្រណាំងក្នុងវិស័យអប់រំ និងវិស័យសុខាភិបាលឆ្នាំ២០២៤។ តួយ៉ាងក្នុងខេត្តព្រះសីហនុ មានអង្គភាព ចំនួន៣ ដែលទទួលបានចំណាត់ថ្នាក់ល្អ ក្នុងនោះ៖
–  សាលាមត្តេយ្យធនធាន ក្រុងព្រះសីហនុ ជាប់ចំណាត់ថ្នាក់លេខ១
–  វិទ្យាល័យ ហ៊ុន សែន វាលរេញ ជាប់ចំណាត់ថ្នាក់លេខ៥
–  និង មន្ទីរពេទ្យបង្អែកខេត្ត ជាប់ចំណាត់ថ្នាក់លេខ៧។
ថ្ងៃចន្ទ ៥រោច ខែកត្ដិក ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១០ ខែវិច្ឆិកា ឆ្នាំ២០២៥