រដ្ឋបាលខេត្តកោះកុង

លោក ឃី វុធ អនុប្រធានមន្ទីរពាណិជ្ជកម្មខេត្តកោះកុង បានដឹកនាំមន្ត្រី ចូលរួមសហការជាមួយសាខា ក.ប.ប.ខេត្តកោះកុង ចុះអនុវត្តសេចក្តីណែនាំលេខ២៧៣៣ ព.ណ .អ .កបប ចុះថ្ងៃទី៣ កញ្ញា ឆ្នាំ២០២០ របស់ក្រសួងពាណិជ្ជកម្ម ស្តីពីការដាក់ចេញនូវវិធានការចំពោះម៉្សៅទឹកដោះគោម៉ាក Nutrilatt ដែលមានលេខ B/N 487, 488, 536, 537, 538 និង 539 នៅតាមបណ្តាហាងទំនិញ និងឱសថស្ថាន ក្នុងក្រុងខេមរភូមិន្ទ។ ជាលទ្ធផល ក្រុមការងារ បានរកឃើញផលិតផលម៉ាក Nutrilatt មានដាក់លក់ នៅហាងទំនិញមួយចំនួន ក៏ប៉ុន្តែមិនបានរកឃើញផលិតផលមានលេខB/N ខាងលេីនេះទេ។ ហើយក្រុមការងារបានណែនាំអោយអាំជីវករផ្អាកការលក់ដូរផលិតផលNutrilatt មួយរយ:រហូតមានការណែនាំជាថ្មី។