រដ្ឋបាលខេត្តកោះកុង

លោកជំទាវ ឈី វ៉ា អភិបាល នៃគណៈអភិបាលខេត្តកោះកុង កាលពីថ្ងៃទី២៨ ខែតុលា ឆ្នាំ២០២៥ បានចាត់តាំងលោក ហេង គីមឆន នាយករងរដ្ឋបាលសាលាខេត្ត បានដឹកនាំក្រុមការងារ ជួបពិភាក្សាការងារមួយចំនួន ជាមួយលោកនាយករដ្ឋបាលសាលាស្រុកស្រែអំបិល ប្រធានការិយាល័យផែនការ និងគាំទ្រឃុំ សង្កាត់សាលាស្រុកស្រែអំបិល ស្មៀនឃុំបឺងព្រាវ និងប្រធានក្រុមហ៊ុន អ្នកទទួលការគម្រោងសាងសង់ផ្លូវបេតុងអាមេ ២ខ្សែ និងលូទោល ជាគម្រោងមូលនិធិឃុំបឹងព្រាវ សម្រាប់ឆ្នាំ២០២៥ ព្រមទាំងបានចុះពិនិត្យ ទីតាំងអនុវត្តគម្រោងផ្ទាល់។
ជាលទ្ធផលក្រុមការងារពិនិត្យឃើញថា ក្រុមហ៊ុន បានដឹកជញ្ជូនសម្ភារ សម្រាប់គាំទ្រដល់ដំណើរការសាងសង់គម្រោងនេះ ដល់ទីតាំងអនុវត្តគម្រោង និងមានកម្លាំងពលកម្មគ្រប់គ្រាន់ ព្រមទាំងបានសន្យាថានឹងអនុវត្តគម្រោងនេះឱ្យបានចប់សព្វគ្រប់ ក្នុងរយៈពេលពីសប្តាហ៍ក្រោយ នៃកិច្ចប្រជុំពិភាក្សានេះ។