លោក ឧត្តមសេនីយ៍ទោ សោម សាមិទ្ធ មេបញ្ជាការរងយោធភូមិភាគទី៣ តំណាងឯកឧត្តមសេនីយ៍ទោ អ៊ុយ ហៀង មេបញ្ជាការយោធភូមិភាគទី៣ បានអញ្ជើញជាអធិបតីក្នុងពិធីដើម្បីគោរពវិញ្ញាណក្ខន្ធ ប្រគល់ថវិកាវិភាគទានមិត្តជួយមិត្តនិង បំពាក់ឋានន្តរសក្តិជូនសពលោកអនុសេនីយ៍ឯក សែម មុត
កោះកុង៖ នារសៀលថ្ងៃទី១៧ ខែតុលា ឆ្នាំ២០២៥ ឧត្តមសេនីយ៍ទោ សោម សាមិទ្ធមេបញ្ជាការរងយោធភូមិភាគទី៣ តំណាងឯកឧត្តម ឧត្តមសេនីយ៍ ទោ អ៊ុយ ហៀង មេបញ្ជាការយោធភូមិភាគទី៣ និងលោកវរសេនីយ៍ឯក គង់ សុភាព មេបញ្ជាការរង នាយសេនាធិការ តំណាងលោកឧត្តមសេនីយ៍ត្រី ជួន សុភ័ក្រមេបញ្ជាការតំបន់ប្រតិបត្តិការសឹករងកោះកុងបានអញ្ជើញជាអធិបតីភាព ក្នុងពិធីគោរពវិញ្ញាណក្ខន្ធ បំពាក់ឋានន្តរសក្តិ ប្រគល់ថវិកាមិត្តជួយមិត្ត ចំនួន១២ លានរៀល ជូនដល់គ្រួសារសពលោកអនុសេនីយ៍ឯក សែម មុត មេបញ្ជាការរង កងអនុសេនាធំទី៣ វរសេនាតូចលេខ៣៣៧ ដែលបានទទួលមរណភាពកាលពីថ្ងៃទី១៦ ខែតុលា ឆ្នាំ២០២៥ នៅវេលាម៉ោង ៣:៤៥ នាទីទៀបភ្លឺ ក្នុងជន្មាយុ ៦៩ឆ្នាំ ដោយជំងឺគាំងបេះដូង ក្នុងពេលបំពេញភារកិច្ច ការពារព្រំដឺន កម្ពុជា-ថៃ។
សពត្រូវបានប្រារព្ធពិធីធ្វើបុណ្យ ទៅតាមប្រពៃណីព្រះពុទ្ធសាសនា នៅគេហដ្ឋាន នៃសពស្ថិតនៅភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ និងបានដង្ហែរឆ្ពោះទៅកាន់ទីបច្ឆា វត្តជោតញ្ញាណ ស្ថិតនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដើម្បីប្រារព្ធពិធីបូជា ។
ឆ្លៀតក្នងឱកាសនោះដែរលោកឧត្តមសេនីយ៍ទោ សោម សាមិទ្ធ មេបញ្ជាការរងយោធភូមិភាគទី៣ និងលោកវរសេនីយ៍ឯក គង់ សុភាព តំណាងលោកមេបញ្ជាការតំបន់ប្រតិបត្តិការសឹករងកោះកុង បានចូលរួមសោកស្តាយជាមួយក្រុមគ្រួសារនៃសព ដែលបានបាត់បង់សាច់ញាតិជាទីស្រឡាញ់ ហើយអង្គភាព ក៏បានបាត់បង់មិត្តរួមអាជីពមួយរូបដែលកន្លងមកលោកបានខិតខំប្រឹងប្រែងព្យាយាមអស់ពីកម្លាំងកាយចិត្ត យកអស់ស្មារតីស្មោះត្រង់ ក្នុងការបំពេញកិច្ចការងារបានយ៉ាងល្អជូនដល់អង្កភាព និងសម្រេចបាននូវស្នាដៃជាច្រើនជូនជាតិមាតុភូមិ និងប្រជាជន។
