រដ្ឋបាលឃុំកោះស្ដេច

តាមការចាត់តាំងពីលោក សាយ ហេង មេឃុំកោះស្ដេច លោក ស៊ន ស្រិញ ជំទប់ទី១ឃុំ បាន ដឹកនាំក្រុមស្ត្រីកែច្នៃប្លាស្ទិកកោះស្ដេច ចំនួន៤រូប ដេីម្បីចូលរួមវគ្គបណ្ដុះបណ្ដាលលេីបច្ចេកទេសនៃម៉ាសុីនកិនប្លាស្ទិក ដែលរៀបចំដោយអង្គការសត្វព្រៃ និងរុក្ខជាតិ ដោយមាន ការចូលរួមមន្រ្តីតំណាងសាលាក្រុងកោះរ៉ុង មន្រ្តីសម្របសម្រួលអង្គការរុក្ខជាតិ និងសត្វព្រៃ មន្រ្តីមូលនិធិកោះសង្សារ និងក្រុមស្តីកែច្នៃប្លាស្ទិកភូមិព្រែកស្វាយ ប្រព្រឹត្តិទៅរយៈពេលពីរថ្ងៃគឺចាប់ពីថ្ងៃទី៤ និង៥ ខែតុលា ឆ្នាំ២០២៥ ស្ថិតនៅភូមិព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។ គោលបំណងនៃវគ្គបណ្ដុះបណ្ដាលចង់ឱ្យស្រ្តីយល់ដឹងពីបច្ចេកទេសប្រេីប្រាស់នៃម៉ាសុីនកិនប្លាស្ទិក យល់ដឹងអំពីការបែងចែកប្រភេទប្លាស្ទិកនិងយល់ដឹងអំពីរបៀបសម្អាតប្លាស្ទិក ដេីម្បីចូលរួមកាត់បន្ថយការសំរាមប្លាស្ទិក និងកែច្នៃសំរាមប្លាស្ទិកឡេីងវិញ។

ថ្ងៃចន្ទ ១៤កេីត ខែអស្សុជ ឆ្នាំម្សាញ់
សប្តស័ក ពុទ្ធសករាជ ២៥៦៩
ត្រូវនឹងថ្ងៃទី៦ ខែតុលា ឆ្នាំ២០២៥
October 6, 2025