រដ្ឋបាលខេត្តកោះកុង

រសៀលថ្ងៃទី៣​ ខែតុលា​ លោក​ ជួន​ ភារ៉េត​ អនុប្រធានមន្ទីរធម្មការ និងសាសនាខេត្ត តំណាងលោកប្រធានបានចូលរួមពិធីប្រគល់ផ្ទះ ចំនួន១ខ្នង ជូនប្រជាពលរដ្ឋក្រីក្រ ១គ្រួសារ រស់នៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង ដែលជាអំណោយដ៏ថ្លៃថ្លារបស់សប្បុរសជននៅក្រៅប្រទេស តាមរយៈអង្គការមូលនិធិអាស៊ានដើម្បីការអប់រំ និងអភិវឌ្ឍន៍ដែលចំណាយថវិកាសរុប ២ ២០០ដុល្លារសហរដ្ឋអាមេរិក។ ពិធីនេះមានការផ្តល់កិត្តិយសដ៏ខ្ពង់ខ្ពស់ពីសំណាក់ ឯកឧត្តម សុះ ម៉ាត់លី សមាជិកក្រុមប្រឹក្សាខេត្ត និងជាប្រធានសមាគមសម្ព័ន្ធយុវជនមុស្លិមកម្ពុជាខេត្តកោះកុងតំណាង ឯកឧត្តម រ៉ូស ម៉ានសះរី និងឯកឧត្តម ឡោះ ម៉ាន អនុរដ្ឋលេខាធិការក្រសួងរៀបចំដែនដី នគររូបនីយកម្ម និងសំណង់។