រដ្ឋបាលខេត្តកោះកុង

លោក ឈិត រតនៈ អភិបាលរង នៃគណៈអភិបាលខេត្តកោះកុង បានអញ្ជើញចូលរួម សិក្ខាសាលាផ្សព្វផ្សាយស្តង់ដារបង្គន់សាធារណៈកម្ពុជាស្អាត និងផ្សព្វផ្សាយចលនាប្រឡងប្រណាំង“បង្គន់សាធារណៈកម្ពុជាស្អាត”ឆ្នាំ២០២៥-២០២៧ ក្រោមអធិបតីភាព ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នៅទីស្តីការក្រសួងទេសចរណ៍។ សិក្ខាសាលាផ្សព្វផ្សាយនេះ មានការចូលរូមពីថ្នាក់ដឹកនាំក្រសួងទេសចរណ៍ រដ្ឋបាលរាជធានី ខេត្ត មន្ទីរទេសចរណ៍ សមាគមទេសចរណ៍ និងស្ថាប័នពាក់ព័ន្ធ ប្រមាណ១២០នាក់។
សូមបញ្ជាក់ថា៖ នៅក្នុងវេទិកា “ទេសចរណ៍​អាស៊ាន លើកទី២៨” នាថ្ងៃទី២០ ខែមករា ឆ្នាំ២០២៥ នៅទីក្រុងចូហូ ប្រទេសម៉ាឡេស៊ី ប្រទេសកម្ពុជាទទួលបានពានរង្វាន់ស្តង់ដាបង្គន់សាធារណៈអាស៊ាន ចំនួន ០៥ រួមមាន៖
-បង្គន់សាធារណៈ ផ្សារទំនើបអ៊ីអនម៉ល មានជ័យ រាជធានីភ្នំពេញ
-បង្គន់សាធារណៈ ស្ថានីយប្រេងឥន្ធនៈ BVM ព្រែកអញ្ជាញ ខេត្តកណ្តាល
-បង្គន់សាធារណៈ ស្រះស្រង់ ខេត្តសៀមរាប
-បង្គន់សាធារណៈ កំពង់ផែទេសចរណ៍ ខេត្តព្រះសីហនុ
-បង្គន់សាធារណៈ សួនច្បារស្តូបអនុស្សាវរីយ៍នយោបាយ ឈ្នះ ឈ្នះ ខេត្តកោះកុង។
ថ្ងៃសុក្រ ៥រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែកញ្ញា ឆ្នាំ២០២៥