លោកជំទាវ មិថុនា ភូថង អភិបាល នៃគណ:អភិបាលខេត្តកោះកុង បានអញ្ជើញជាអធិបតីភាព ប្រកាសតែងតាំងលោក ជា ច័ន្ទកញ្ញា ជាអភិបាលស្រុកស្រែអំបិល ជំនួសលោក ទួន សីលា ដែលត្រៀមទទួលភារកិច្ចថ្មី នៅសាលាខេត្តកោះកុង ។
លោកជំទាវអភិបាលខេត្ត បានមានប្រសាសន៍ ណែនាំដល់អភិបាលថ្មី នៃស្រុកស្រែអំបិល ត្រូវយកចិត្តទុកដាក់អនុវត្តការងារ ប្រកបដោយការទទួលខុសត្រូវខ្ពស់បំផុត ដោយគោរពតាមច្បាប់លិខិតបដ្ឋានគតិយុត្តិនានា និងគោលនយោបាយ របស់រាជរដ្ឋាភិបាលអោយបានល្អប្រសើរ។ ពង្រឹង និងពង្រីកការទំនាក់ទំនង សាមគ្គីភាព ជាមួយអាជ្ញាធរគ្រប់លំដាប់ថ្នាក់ពាក់ព័ន្ធ ដើម្បីបង្កើននូវប្រសិទ្ធិភាពការងារដឹកនាំ គ្រប់គ្រងរដ្ឋបាលស្រុក ដោយរួមគ្នាគិត រួមគ្នាធ្វើ ក្នុងគោលដៅលើកស្ទួយជីវភាពរស់នៅ រក្សាសន្តិសុខសណ្តាប់ធ្នាប់ប្រជាពលរដ្ឋ និងកិច្ចអភិវឌ្ឍន៍ទៅមុខថែមទៀត។
លោកជំទាវអភិបាលខេត្ត ក៏សង្កត់ធ្ងន់ដែរថា អភិបាលស្រុកថ្មី ត្រូវពិនិត្យកែលម្អសោភ័ណភាព និងដឹកនាំកសាងហេដ្ឋារចនាសម្ព័ន្ធ សំដៅធ្វើយ៉ាងជាប្រយោជន៍បម្រើប្រជាពលរដ្ឋតាមតម្រូវការ។
ចំណែកឯលោក ជា ច័ន្ទកញ្ញា អភិបាលថ្មីស្រុកស្រែអំបិល បានទទួលយកនូវអនុសាសន៍របស់លោកជំទាវអភិបាល និងប្តេជ្ញាចិត្តប្រឹងប្រែងអនុវត្តតាមអ្វី ដែលច្បាប់កំណត់ ក៏ដូចជាគោលការណ៍ណែនាំរបស់ថ្នាក់ដឹកនាំខេត្ត និងរាជរដ្ឋាភិបាល។ បន្ថែមលើនេះ លោកបន្តពង្រឹង និងបង្កើនសមត្ថភាពអោយកាន់តែទូលំទូលាយ ដើម្បីអនុវត្តតួនាទីភារកិច្ចអោយបានល្អត្រឹមត្រូវ។
![](https://asset.cambodia.gov.kh/provincial/sites/12/2019/09/IMG_20190911_141134_652-1024x682.jpg)
![](https://asset.cambodia.gov.kh/provincial/sites/12/2019/09/IMG_20190911_141129_676-1024x682.jpg)
![](https://asset.cambodia.gov.kh/provincial/sites/12/2019/09/IMG_20190911_141132_562-1024x702.jpg)
![](https://asset.cambodia.gov.kh/provincial/sites/12/2019/09/IMG_20190911_141141_052-1024x866.jpg)
![](https://asset.cambodia.gov.kh/provincial/sites/12/2019/09/IMG_20190911_141152_009-1024x682.jpg)
![](https://asset.cambodia.gov.kh/provincial/sites/12/2019/09/IMG_20190911_141155_536-1024x682.jpg)
![](https://asset.cambodia.gov.kh/provincial/sites/12/2019/09/IMG_20190911_141143_394-1024x682.jpg)
![](https://asset.cambodia.gov.kh/provincial/sites/12/2019/09/IMG_20190911_141139_746-1024x682.jpg)
![](https://asset.cambodia.gov.kh/provincial/sites/12/2019/09/IMG_20190911_141137_410-596x1024.jpg)
![](https://asset.cambodia.gov.kh/provincial/sites/12/2019/09/IMG_20190911_141149_364-1024x994.jpg)
![](https://asset.cambodia.gov.kh/provincial/sites/12/2019/09/IMG_20190911_141145_271-1024x682.jpg)
![](https://asset.cambodia.gov.kh/provincial/sites/12/2019/09/IMG_20190911_141146_957-1024x682.jpg)