លោក លីម ភឿន អភិបាលរង នៃគណៈអភិបាលស្រុកកោះកុង បានអញ្ជើញចូលរួម ក្នុងសិក្ខាសាលាផ្សព្វផ្សាយ និងការបណ្តុះបណ្តាលធ្វើបច្ចុប្បន្នភាពអំពីបែបបទ នីតិវិធីនៃការគ្រប់គ្រង និងការផ្តល់សេវារដ្ឋបាលក្នុងវិស័យសាធារណការ និងដឹកជញ្ជូន ដល់មន្ត្រីអនុវត្តមុខងារនៅរដ្ឋបាល ថ្នាក់ក្រោមជាតិ
ថ្ងៃទី១២ ខែសីហា ឆ្នាំ២០២៥: លោក លីម ភឿន អភិបាលរង នៃគណៈអភិបាលស្រុកកោះកុង បានដឹកនាំ លោកស្រីប្រធានការិយាល័យច្រកចេញចូលតែមួយ ប្រធានការិយាល័យសេដ្ឋកិច្ច និងអភិវឌ្ឃន៍សហគមន៍ ចូលរួមសិក្ខាសាលាផ្សព្វផ្សាយ និងការបណ្តុះបណ្តាលធ្វើបច្ចុប្បន្នភាពអំពីបែបបទ នីតិវិធីនៃការគ្រប់គ្រង និង ការផ្តល់សេវារដ្ឋបាលក្នុងវិស័យសាធារណការ និងដឹកជញ្ជូន ដល់មន្ត្រីអនុវត្តមុខងារនៅរដ្ឋបាល ថ្នាក់ក្រោមជាតិ ក្រោមអធិបតីភាពឯកឧត្តម សួន រចនា រដ្ឋលេខាធិការ និងជាអនុប្រធានប្រចាំការនៃគណៈកម្មាការដឹកនាំកំណែទម្រង់វិមជ្ឈការ និងវិសហមជ្ឈការក្រសួងសាធារណការ និងដឹកជញ្ជូន និងលោកសោម ពិសិដ្ឋ អភិបាលខេត្តកែបដោយមានការអញ្ជើញចូលរួមពី ឯកឧត្តម លោកជំទាវ នៃអគ្គនាយកដ្ឋានក្រសួងសាធារណការ និងដឹកជញ្ជូន លោក លោកស្រី អភិបាលរងខេត្ត នាយក នាយករងរដ្ឋបាលសាលាខេត្ត ក្រុមការងារ នៃក្រសួងសាធារណការ និងដឹកជញ្ជូន ប្រធានអង្គភាពច្រកចេញចូលតែមួយសាលារាជធានី ខេត្ត ប្រធានការិយាល័យច្រកចេញចូលតែមួយ និងមន្ត្រីជួរក្រោយ អង្គភាពច្រកចេញចូលតែមួយរដ្ឋបាលខេត្ត ការិយាល័យច្រកចេញចូលតែមួយក្រុង-ស្រុក សរុបសមាសភាពចូលរួមចំនួន ២៩៣ រូប នៅសាលាខេត្តកែប ។
