រដ្ឋបាលខេត្តកោះកុង

យើងខ្ញុំទាំងអស់គ្នាជា ក្រុមប្រឹក្សាស្រុក គណៈអភិបាលស្រុក មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទូទាំងស្រុកស្រែអំបិល សូមប្រកាសគាំទ្រយ៉ាងពេញទំហឹង និងជឿជាក់ទាំងស្រុងលើការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការដោះស្រាយ

បញ្ហាព្រំដែន និងការការពារបូរណភាពទឹកដីនៅតាមព្រំដែនកម្ពុជា-ថៃ ព្រមទាំងគាំទ្រយ៉ាងពេញទំហឹងចំពោះវីរៈកងទ័ពជួរមុខកម្ពុជា ដែលបាននិងកំពុងប្រយុទ្ធយ៉ាងអង់អាចក្លាហានជាមួយសត្រូវឈ្លានពានទឹកដី ដែលបង្កឡើងដោយកងទ័ពថៃ កាលពីព្រឹកថ្ងៃទី២៤ ខែកក្កដា ឆ្នាំ២០២៥។

ស្ថិតក្នុងកាលៈទេសៈនេះ រដ្ឋបាលស្រុកស្រែអំបិល សូមអំពាវនាវដល់ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ ការិយាល័យអង្គភាពជុំវិញស្រុក រដ្ឋបាលឃុំ និងសាធារណជនទាំងអស់ក្នុងស្រុកស្រែអំបិល សូមចូលរួមក្នុងស្មារតីជាតិនិយមពីសមរភូមិក្រោយ ដោយផ្តល់នូវកម្លាំងចិត្ត ជំនឿជាក់លើរាជរដ្ឋាភិបាល និងកងទ័ពជួរមុខ តាមរយៈការចេញនូវសារ ឬញត្តិគាំទ្រដល់កងទ័ពជួរមុខ ដែលកំពុងប្រយុទ្ធយ៉ាងជាញជ័យជាមួយនឹងសត្រូវឈ្លានពានទឹកដីនៅតាមព្រំដែនកម្ពុជា-ថៃ ដើម្បីពង្រឹងខឿនការពារជាតិរបស់ប្រជាជនក្នុងការ

ការពារបូរណភាពទឹកដី។