រដ្ឋបាលខេត្តកោះកុង

លោក កែវ នីបូរ៉ា សមាជិកក្រុមប្រឹក្សាស្រុក តំណាងលោកស្រី គ្រី សោភ័ណ ប្រធានក្រុមប្រឹក្សាស្រុក និងលោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ បានអញ្ជើញជាអធិបតី ក្នុងពិធីសំណេះសំណាល សួរសុខទុក្ខ និងប្រគល់បណ្ណសរសើរ ដល់ប្រជាការពារភូមិ ក្នុងការសម្តែងនូវការដឹងគុណ ដែលបានចំណាយពេលវេលា ទាំងកម្លាំងកាយ កម្លាំងចិត្ត ចូលរួមការពារសណ្ដាប់ធ្នាប់ក្នុងភូមិ ឃុំ ទទួលបានសុខសុវត្ថិភាពកាន់តែប្រសើរ និងមានស្នាដៃល្អក្នុងការចូលរួមចំណែក អនុវត្តគោលនយោបាយភូមិ ឃុំ មានសុវត្ថិភាពប្រចាំឆ្នាំ២០២៤ ទាំងពីឃុំ ឃុំអណ្ដូងទឹក និងឃុំកណ្ដោល  ស្រុកបូទុមសាគរ។ ក្នុងនោះដែរលោកអភិបាលស្រុក បានប្រគល់ឯកសណ្ឋានដល់ប្រជាការពារភូមិ ក្នុងឃុំកណ្ដោលចំនួន៣៦ ឈុតរួមមាន៖ ផ្លាក មួក ខ្សែកញ្ចែ ខ្សែក្រវាត់ ជាការឧបត្ថម្ភពីសំណាក់ ឯកឧត្តម នាយឧត្តមសេនីយ៍ ចៅ ភិរុណ រដ្ឋលេខាធិការ ក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបូទុមសាគរ។ លោកអភិបាលបានជូនថវិកាផ្ទាល់ខ្លួនដល់ប្រជាការពារចំនួន១០៦នាក់ក្នុងមួយម្នាក់២០,០០០រៀល និងលោកមេឃុំ មេភូមិទាំងពីឃុំចំនួន១៤នាក់ក្នុងម្នាក់៥០,០០០រៀល ផងដែរ។ ពិធីដោយមានការចូលរួមពីលោកអភិបាលរងស្រុក នាយករដ្ឋបាលស្ដីទី លោកមេបញ្ជាការ មេបញ្ជាការរង កងកម្លាំងប្រដាប់អាវុធទាំង៣ប្រភេទ មន្ត្រីរាជការសាលាស្រុក មេឃុំ មេភូមិ និងប្រជាការពារភូមិទាំង២ឃុំ។ ពិធីបា្ររព្ធធ្វើឡើងនៅសាលប្រជុំ(ក)សាលាស្រុកបូទុមសាគរ ខេត្តកោះកុង។

ប្រភព:រដ្ឋបាលស្រុកបូទុមសាគរ

===============

ថ្ងៃចន្ទ ១១រោច ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែកក្កដា ឆ្នាំ២០២៥ វេលាម៉ោង៨: ៣០នាទីព្រឹក