ស្រុកកោះកុង ៖ កាលពីព្រឹកថ្ងៃចន្ទ ១៤កើត ខែស្រាពណ៌ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣ ខែសីហា ឆ្នាំ២០២០ វេលាម៉ោង ៨:០០នាទីព្រឹក អធិការដ្ឋាននគរបាលស្រុកកោះកុង មានកិច្ចប្រជុំផ្សព្វផ្សាយ ផែនការលេខ ០៧ ផ.ក ស្តីពីការ ការពារ សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម នាឱកាសឈប់សម្រាករយៈពេល ០៩ថ្ងៃ និងផ្សព្វផ្សាយប្រកាសលេខ ៨៨៤ប្រ.ក ស្តីពីការផ្ទេរសមត្ថកិច្ចក្នុងការផ្តល់សៀវភៅស្នាក់នៅ(ក២) សៀវភៅគ្រួសារ (ក៤) របស់ក្រសួងមហាផ្ទៃ ក្រោមការដឹកនាំរបស់លោក វរ:សេនីយ៍ឯក សៀង ហ៊ អធិការនគរបាលស្រុកកោះកុង និងមានសមាសភាពចូលរួមព៏ លោក អធិការរង លោកនាយ-នាយរងផ្នែក លោកនាយ-នាយរងប៉ុស្តិ៍ និងមន្ត្រី សរុបចំនួន ៣២នាក់ នៅអធិការដ្ឋាននគរបាលស្រុកកោះកុង។
