នៅសាលាខេត្តកោះកុង បានបើកវគ្គបណ្តុះបណ្តាល ស្តីពីយន្តការដោះស្រាយបណ្តឹងតវ៉ា នៃគម្រោងលើកកម្រិតគុណភាពផ្លូវជាតិលេខ ៤៨ ស្ថិតនៅភូមិសាស្ត្រខេត្តកោះកុង ទៅដល់មន្ត្រីថ្នាក់ឃុំ សង្កាត់ និង ភូមិពាក់ព័ន្ធ។ វគ្គបណ្តុះបណ្តាលស្ថិតក្រោមអធិបតីភាពរបស់លោក យ៉េន សុភ័ណ អគ្គនាយករងនៃអគ្គនាយកដ្ឋានដោះស្រាយផលប៉ះពាល់ដោយគម្រោងអភិវឌ្ឍន៍នៃក្រសួងសេដ្ឋកិច្ច និងហិរញ្ញវត្ថុ ព្រមទាំងមានការចូលរួមសម្របសម្រួលពីលោក សេក សំអុល នាយករងរដ្ឋបាលសាលាខេត្ត។
គោលបំណងសំខាន់ នៃវគ្គបណ្តុះបណ្តាលនេះគឺ ចង់អោយមន្ត្រីឃុំ សង្កាត់ និង ភូមិបានយល់ដឹងអំពី ៖ ១.យន្តការដោះស្រាយបណ្តឹងតវ៉ាក្នុងគម្រោង
២.កម្មវត្ថុ និង ប្រភេទនៃបណ្តឹង
៣.នីតិវិធីនៃយន្តការដោះស្រាយបណ្តឹងតវ៉ាថ្នាក់ឃុំ/សង្កាត់។
