រដ្ឋបាលខេត្តកោះកុង

រដ្ឋបាលស្រុកកោះកុង: ថ្ងៃអង្គារ ៥រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៥ ខែកក្កដា ឆ្នាំ២០២៥ វេលាម៉ោង ៨:០០នាទីព្រឹក ក្រុមប្រឹក្សាស្រុកកោះកុង បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក អាណត្តិទី៤ ឆ្នាំ២០២៥ ជាមួយប្រជាពលរដ្ឋ ក្នុងប្រធានបទយន្តការ និសារៈសំខាន់ នៃគោលនយោបាយ “ភូមិ ឃុំ សង្កាត់មានសុវត្ថិភាព” ក្រោមអធិបតីភាពលោក ឯក ម៉ឹង ប្រធានក្រុមប្រឹក្សាស្រុក លោក ជា សូវី អភិបាល នៃគណៈអភិបាលស្រុក និងលោក កាយ ក្រុង អនុប្រធានសមាគមន៍ក្រុមប្រឹក្សាថ្នាក់មូលដ្ឋានក្រុង ស្រុក ឃុំ សង្កាត់។ និងចូលរួមការអញ្ជើញពី លោក លោកស្រី សមាជិកក្រុមប្រឹក្សាស្រុក លោកអភិបាលរងស្រុក ប្រធាន ឬអនុប្រធានមន្ទីរពាក់ព័ន្ធ នាយក នាយករងសាលាស្រុក ប្រធាន អនុប្រធាន និងមន្ត្រីការិយាល័យ អង្គភាពចំណុះរដ្ឋបាលស្រុក លោកអធិការ មេបញ្ជាការកងកម្លាំងប្រដាប់អាវុធទាំងបីប្រភេទ លោក លោកស្រី មេឃុំទាំង៤ សមាជិកក្រុមប្រឹក្សាឃុំ ស្មៀនឃុំ កម្លាំងប៉ុស្តិ៍នគរបាលរដ្ឋបាលឃុំទាំង៤ មេភូមិ អនុភូមិ លោកគ្រូ អ្នកគ្រូ យុវជនកាកបាទក្រហម ស.ស.យ.ក ឃុំ និងតំណាងអង្គការ តំណាងអាជីវករ និងបងប្អូនប្រជាពលរដ្ឋ សរុបប្រមាណ ២៨០នាក់ នៅវត្តឧទ័យ្យារាម ហៅវត្តជ្រោយប្រស់ ស្ថិតក្នុងភូមិថ្មី ឃុំជ្រោយប្រស់ ស្រុកកោះកុង ខេត្តកោះកុង ។