លោក គង់ ចន្ទថុល្ល អនុប្រធានមន្ទីរធម្មការ និងសាសនាខេត្ត តំណាងលោកប្រធានមន្ទីរបានចូលរួមកម្មវិធី បុណ្យអាសាឡ្ហបូជា និងបវរណាចូលព្រះវស្សានៅវត្តទេពនិមិត្ត
លោក គង់ ចន្ទថុល្ល អនុប្រធានមន្ទីរធម្មការនិងសាសនាខេត្តកោះកុង តំណាងលោកប្រធានមន្ទីរបានចូលរួមកម្មវិធី បុណ្យអាសាឡ្ហបូជា និងបវរណាចូលព្រះវស្សា ព.ស.២៥៦៩ នៃសាសនាព្រះសមណគោត្តមបរមគ្រូជាម្ចាស់នៃយើង ក្រោមសទ្ធាជ្រះថ្លារបស់រដ្ឋបាលខេត្តកោះកុង និងមន្រ្តីរាជការ នាំយកទៀនព្រះវស្សា គ្រឿងឧបភោបរិភោគ ចតុបច្ច័យ វេរថ្វាយប្រគេនព្រះសង្ឃគង់ចាំព្រះវស្សាក្នុងវត្តទេពនិមិត្ត ស្ថិតក្នុងភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។
ក្នុងកិច្ចសាសនៈពិធីបុណ្យពេលល្ងាច
បានប្រារព្វ កិច្ចដង្ហែទៀនព្រះវស្សា បូជាគ្រឿងសក្ការៈ ទៀនធូក នមស្ការ សមាទានសីល ចម្រើនព្រះបរិត ប្រទានធម្មទេសនា សមាធី និងបំបួសកុលបុត្ត ។
ក្នុងកិច្ចសាសនៈពធីពេលព្រឺក
និមន្តព្រះសង្ឃបិណ្ឌបាត រាប់បាត បូជាគ្រឿងសក្ការទៀនធូកថ្វាយព្រះរតនត្រៃ សមាទានសីល វេរទៀនព្រះវស្សា គ្រឿងឧបភោគបរិភោគ ចតុបច្ច័យ ប្រគេនព្រះសងឃ រួចហើយឧទ្ទឹសបុណ្យកុសលថ្វាយប្រគេនជូន បុព្វការីជន បវរណាព្រះសង្ឃ្ចចូលកានព្រះវស្សា ។
ថ្ងៃសុក្រ ១រោច ខែ អាសាឍ ឆ្នាំរោងសប្ដស័ក ព.ស.២៥៦៩ ត្រូវនឹងថ្ងៃទី ១១ ខែកក្កដា ឆ្នាំ២០២៥
