រដ្ឋបាលខេត្តកោះកុង

រដ្ឋបាលស្រុកថ្មបាំង បានរៀបចំវេទិកាផ្សព្វផ្សាយ និងពិគ្រោះយោបល់ស្រុក ក្រោមអធិបតីភាព លោក សោម សម័យ សមាជិកក្រុមប្រឹក្សាស្រុកថ្មបាំង តំណាងលោកស្រី អុល បញ្ញា ប្រធានក្រុមប្រឹក្សាស្រុកថ្មបាំង លោកស្រី ទួត ហាទីម៉ា អភិបាលនៃគណៈអភិបាលស្រុក និងលោក សៅ សុគន្ធវ៉ារី ប្រធានការិយាល័យប្រជាពលរដ្ឋខេត្តកោះកុង និងមានការអញ្ជើញចូលរួមពី លោក លោកស្រីប្រធានមន្ទីរជុំវិញខេត្តកោះកុង លោក លោកស្រីសមាជិកក្រុមប្រឹក្សាស្រុក គណៈអភិបាលស្រុក លោកនាយករដ្ឋបាល នាយករង លោក លោកស្រីប្រធាន អនុប្រធានការិយាល័យចំណុះរដ្ឋបាលស្រុក មន្រ្តីការិយាល័យ មន្ត្រីកិច្ចសន្យា កងកម្លាំងទាំង២ប្រភេទ លោកនាយកឧទ្យានុរក្ស លោកមេឃុំ លោក លោកស្រីក្រុមប្រឹក្សាឃុំ ស្មៀនឃុំ លោក លោកស្រីមេភូមិ លោក លោកស្រីអនុភូមិ លោក លោកស្រីសមាជិកភូមិ នាយប៉ុស្តិ៍នគរបាលរដ្ឋបាលឃុំ នាយកសាលា និងប្រជាពលរដ្ឋ សរុបចំនួន១៥០នាក់ ដែលប្រព្រឹត្តទៅនៅវត្តសិលាមុន្នីគិរីរង្សី (ហៅវត្តថ្មបាំងលើ) ស្ថិតនៅភូមិត្រពាំងឈើត្រាវ ឃុំឫស្សីជ្រុំ ស្រុកថ្មបាំង ខេត្តកោះកុង។

ថ្ងៃសុក្រ ៩កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៤ ខែកក្កដា ឆ្នាំ២០២៥