រដ្ឋបាលខេត្តកោះកុង

មន្ទីរផែនការខេត្តកោះកុង បានរៀបចំប្រជុំបើកកិច្ចសវនកម្មផ្ទៃក្នុង សម្រាប់ការិយបរិច្ឆេទឆ្នាំ២០២៤ និងឆ្នាំពាក់ព័ន្ធ ក្រោមអធិបតីភាព លោក ស្ដើង សុធន ប្រធានប្រតិភូ នៃនាយកដ្ឋានសវនកម្មផ្ទៃក្នុង ក្រសួងផែនការ នឹងលោក ជា ស៊ីវត្រា ប្រធានមន្ទីរផែនការខេត្ត ព្រមទាំងមានការអញ្ជើញចូលរួមពី លោក លោកស្រី សមាជិកប្រតិភូសវកម្ម អនុប្រធានមន្ទីរ ប្រធានការិយាល័យ អនុប្រធានការិយាល័យ និងមន្ត្រីរាជការនៃមន្ទីរផែនការខេត្ត សរុប ២៣រូប ស្រី ០៥រូប នៅសាលប្រជុំមន្ទីរផែនការខេត្តកោះកុង។ ការចុះធ្វើសវនកម្មនេះមានគោលបំណងធ្វើរបាយការណ៍ជូន ឯកឧត្តមរដ្ឋមន្ត្រី អាជ្ញាធរសវនកម្មជាតិ និងក្រសួងសេដ្ឋកិច្ចនិងហិរញ្ញវត្ថុ ស្ដីអំពីប្រសិទ្ធភាពការងារ ការអនុវត្តចំណាយថវិកា ការគ្រប់គ្រងទ្រព្យសម្បត្តិរដ្ឋ និង យន្តការអភិបាលកិច្ចល្អ សម្រាប់ការិយបរិច្ឆេទ២០២៤ និងឆ្នាំពាក់ព័ន្ធមួយចំនួន ក៏ដូចជាតាមដានលើការអនុវត្តការកែលម្អតាមអនុសាសន៍របស់សវនករដែលផ្ដល់ជូនកន្លងមក។

រសៀលថ្ងៃអង្គារ ១៥កើត ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែមិថុនា ឆ្នាំ២០២៥