ថ្ងៃសុក្រ ៤កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៤ ខែកក្កដា ឆ្នាំ២០២០ វេលាម៉ោង ១០:០០នាទីព្រឹក លោក ប្រាក់ វិចិត្រ អភិបាលស្រុកមណ្ឌលសីមា បានដឹកនាំកិច្ចប្រជុំពិនិត្យ និងពិភាក្សា អំពីការស្នើឆ្វៀលដីជូនប្រជាពលរដ្ឋដែលកំពុងកាន់កាប់ និងអាស្រ័យផលជាក់ស្តែងចេញពីតំបន់ព្រៃអភិរក្ស និងតំបន់ការពារធម្មជាតិក្នុងភូមិសាស្រ្តស្រុកមណ្ឌលសីមា ។ កិច្ចប្រជុំនេះមានការអញ្ជើញចូលរួមពីសំណាក់ លោកឧត្តមនាវីទោ ហោ សេងលីម នាយសេនាធិការរងកងទព័ជើងទឹក នាយក-នាយករងរដ្ឋបាលសាលាស្រុក ប្រធានការិយាល័យ ដែនដី នគរូបនីយកម្ម សំណង់និងភូមិបាលស្រុក មេឃុំ មេភូមិគ្រប់ភូមិ ។ ប្រជុំនៅសាលប្រជុំសាលាស្រុកមណ្ឌលសីមា ។
