រដ្ឋបាលខេត្តកោះកុង

លោក ឡោ លីវុឌ្ឍ អនុប្រធានការិយាល័យអត្តសញ្ញាណកម្មគ្រួសារក្រីក្រ និងលោក ឆេន សក្កដា មន្ត្រីការិយាល័យគ្រប់គ្រងទិន្នន័យ បច្ចេកវិទ្យា និងព័ត៌មាន នៃមន្ទីរផែនការខេត្ត បានចូលរួមបើកវគ្គបណ្តុះបណ្តាលស្ដីពី វិធីសាស្ត្រប្រមូលទិន្នន័យសេដ្ឋកិច្ច សង្គមកិច្ចកម្ពុជា ឆ្នាំ២០២៥ ដោយប្រើប្រាស់ម៉ាស៊ីនថេប្លេត សម្រាប់មន្ត្រីត្រួតពិនិត្យ និងមន្ត្រីសម្ភាសន៍ ក្រោមអធិបតីភាព ឯកឧត្តម ទ្រី ឫទ្ធា នាយកវិទ្យាស្ថានជាតិស្ថិតិ នៃក្រសួងផែនការ ដែលប្រព្រឹត្តនៅថ្ងៃទី២៧ ខែឧសភា ដល់ថ្ងៃទី០៦ ខែមិថុនា ឆ្នាំ២០២៥ នៃក្រសួងផែនការ នៅទីស្ដីការក្រសួងផែនការ ជាន់ទី៨។ វិទ្យាស្ថានជាតិស្ថិតិត្រូវអនុវត្តការងារចុះសម្ភាសន៍ និងកត់ត្រាទិន្នន័យនៅតាមរាជធានី ខេត្តទាំង២៥ សម្រាប់ការងារអង្កេតសេដ្ឋកិច្ច សង្គមកិច្ចកម្ពុជាឆ្នាំ២០២៥ នឹងត្រូវអនុវត្តរយៈពេល ១២ខែ (ឆ្លាស់វេនគ្នា) ដោយមានការគាំទ្រផ្នែកបច្ចេកទេសពីធនាគារពិភពលោក និងឧបត្ថម្ភថវិកាទាំងស្រុងពីរាជរដ្ឋាភិបាលកម្ពុជា។

ថ្ងៃអង្គារ ១កើត ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែឧសភា ឆ្នាំ២០២៥