លោក លឹម សាវាន់ នាយករដ្ឋបាលសាលាខេត្តកោះកុង បានទទួលស្វាគមន៍ ប្រតិភូនាយកដ្ឋានកិច្ចការរាជធានី ខណ្ឌ និងខេត្ត ដើម្បីចុះត្រួតពិនិត្យ និងប្រជុំបង្ហាញលទ្ធផល នៃការចុះត្រួតពិនិត្យការអនុវត្តគម្រោងអភិវឌ្ឍន៍បញ្ចប់ឆ្នាំ២០១៩ របស់រដ្ឋបាលខេត្តកោះកុង។
លោក លឹម សាវាន់ នាយករដ្ឋបាលសាលាខេត្តកោះកុង បានទទួលស្វាគមន៍ ប្រតិភូនាយកដ្ឋានកិច្ចការរាជធានី ខណ្ឌ និងខេត្ត ដើម្បីចុះត្រួតពិនិត្យ និងប្រជុំបង្ហាញលទ្ធផល នៃការចុះត្រួតពិនិត្យការអនុវត្តគម្រោងអភិវឌ្ឍន៍បញ្ចប់ឆ្នាំ២០១៩ របស់រដ្ឋបាលខេត្តកោះកុង
របៀបវារៈសំខាន់ៗនៃកិច្ចប្រជុំគឺ
១.របាយការណ៍ ស្តីពីលទ្ធផល នៃការអនុវត្តគម្រោងអភិវឌ្ឍន៍ បញ្ចប់ឆ្នាំ២០១៩
២.របាយការណ៍ ស្តីពីការរៀបចំ និងការអនុវត្តគម្រោងអភិវឌ្ឍន៍ឆ្នាំ២០២០
៣.កិច្ចដំណើការរៀបចំ និងការកសាងផែនការអភិវឌ្ឍន៍រយៈពេល៥ឆ្នាំ (២០២០-២០២៤)
៤.ការអនុវត្តគម្រោងសេវាសង្គមរបស់រដ្ឋបាលរាជធានី ខេត្ត និងទិសដៅអនុវត្តឆ្នាំបន្ទាប់ (ផ្តោតសំខាន់លើការគ្រោងកញ្ចប់ថវិកា ដើម្បីគាំទ្រការដោះស្រាយ និងទប់ស្កាត់ជំងឺកូវីដ-១៩)
៥.របាយការណ៍ ស្តីពីការអនុវត្តកិច្ចសន្យាសេដ្ឋកិច្ចនានាដែលរដ្ឋបាលរាជធានីខេត្ត ជាភាគី «ក» «ខ»
៦.បទបង្ហាញរបស់ក្រុមការងារក្រសួងមហាផ្ទៃស្តីពីលទ្ធផលនៃការចុះពិនិត្យ និងវាយតម្លៃការអនុវត្តគម្រោង
៧.បញ្ហាប្រឈម និងសំណូមពរ និង
៨. បញ្ហាផ្សេងៗ។
ជាលទ្ធផលនៃកិច្ចប្រជុំ ប្រតិភូក្រសួងមហាផ្ទៃឃើញថាការអនុវត្តគម្រោងអភិវឌ្ឍន៍ខេត្ត អនុវត្តស្របតាមតម្រូវការ របស់មូលដ្ឋាន តែក្នុងនោះនៅមានបញ្ហាប្រឈមតិចតួច(ភាពយឺតយ៉ាវនៃការរៀបចំសិក្សា និងអនុវត្តគម្រោង) ក្នុងនោះប្រតិភូក្រសួងក៏បានកោតសសើរដែលរដ្ឋបាលខេត្តបានត្រៀមថវិកាសំរាប់ការដោះស្រាយ ទប់ស្កាត់ការរីករាលដាល់ជំងឺកូវីដ-១៩៕
