រដ្ឋបាលខេត្តកោះកុង

លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ជាប្រធានគណៈកម្មាធិការ ស អ ក ខេត្ត បានដឹកនាំ ក្រុមលេខាធិការដ្ឋាន ស អ ក ខេត្ត ប្រធានគណៈកម្មាធិការ ស អ ក  ស្រុកកោះកុង ប្រធានកិត្តិយស ស អ ក ឃុំកោះកាពិ និងប្រធានសាខា ស អ ក ឃុំកោះកាពិ បានពាំនាំ ប្រសាសន៍ ដ៍ខ្ពង់ខ្ពស់របស់សម្តេច អគ្គមហាសេនាធិបតីតេជោ ហ៊ុន សែន ប្រធាន ព្រឹទ្ធសភានៃព្រះរាជាណាចក្រកម្ពុជានិងជាប្រធានសមាគមអតីតយុទ្ធជនកម្ពុជា សួរសុខទុក្ខគ្រួសារសពសមាជិក ស អ ក ដែលបានទទួលមរណភាព និងនាំយកអំណោយដ៍ថ្លៃថ្លារបស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ កម្ពុជា ជាអនុប្រធានទី១នៃសមាគមអតីតយុទ្ធជនកម្ពុជានឹងលោកជំទាវបណ្ឌិត ពេជ ចន្ទមុន្នី រួមមាន :
១/អង្ករចំនួន២បាវតូច ស្មើចំនួន ៥០គីឡូក្រាម ទឹកត្រីចំនួន ១កេស ទឹកសុីអុីវចំនួន ១យួនិងមីចំនួន ១កេសតូច។
២/ថវិកាចំនួន ៥០មុឺនរៀល។ ប្រគល់ជូនដល់គ្រួសារសពលោក សាយ សំនាង(និវត្តជន)ជាសមាជិក ស អ ក នៅភូមិ១ ឃុំកោះកាពិ ស្រុកកោះកុង ខេត្តកោះកុង ដែលបានទទួលមរណភាពកាលពីថ្ងៃទី២០ ខែឧសភា ឆ្នាំ២០២៥ ដោយរោគាពាធ។
ថ្ងៃព្រហស្បតិ៍ ១១រោច ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែឧសភា ឆ្នាំ២០២៥