លោក ចាន់ វ៉ុន ប្រធានការិយាល័យវិស្វកម្មកសិកម្ម និងលោក សឹង លី អនុប្រធានទទួលបន្ទុកការិយាល័យផ្សព្វផ្សាយកសិកម្ម និងលោកប្រធានការិយាល័យកសិកម្ម ធនធានធម្មជាតិ និងបរិស្ថាន រួមសហការជាមួយអង្គការ សង្គ្រោះកុមារខេត្តកោះកុង និងអង្គការ IDE របស់គម្រោងស្ទៀរ (STEER) បានចុះបណ្តុះបណ្តាបច្ចេកទេសមុនពេល និងក្រោយពេលប្រមូលផលលើដំណាំត្រសក់ និងបន្លែទូទៅ ០១ វគ្គ ដោយមានការបញ្រ្ជាបយេនឌ័រក្នុងវិស័យកសិកម្មផងដែរ។ វគ្គទាំងនេះបានប្រារព្ធឡើង នៅភូមិជ្រោយ ឃុំបឹងព្រាវ ស្រុកស្រែអំបិល ដែលមានកសិករចូលរួមចំនួន ២៩ នាក់ ស្រី ១២ នាក់។ ជាលទ្ធផលប្រជាកសិករដែលបានចូលរួមក្នុងវគ្គមាននចំណាប់អារម្មណ៍ជាខ្លាំង បើតាមការសង្កេត និងវាយតំលៃ ឃើញថាកសិករ ៧០% បានយល់ពី បច្ចេកទេសមុនពេល និងក្រោយពេលប្រមូលផលដំណាំត្រសក់ និងបន្លែបានល្អ និងចង់ដាំច្រើន តែពួកគាត់ខ្លះមានបញ្ហាដីទំនាបពេក ហើយខ្លះខ្វះប្រភពទឹក។