លោក អ៊ុក សុតា នាយករងរដ្ឋបាលសាលាខេត្តកោះកុង តំណាងរដ្ឋបាលខេត្តកោះកុង បានដឹកនាំក្រុមការងារ សហការ ជាមួយអាជ្ញាធរក្រុងខេមរភូមិន្ទ និងការិយាល័យជំនាញពាក់ព័ន្ធ ចុះពិនិត្យទីតាំងស្នើសុំស្ថាបនាផ្លូវបេតុង របស់លោក សំ វីរះ ដែលជាសប្បុរសជន ប្រវែង ៥០០ ម៉ែត្រ ទទឹង ៧ មែ៉ត្រ និងចាក់បំពេញចំណីផ្លូវសងខាង ២ ម៉ែត្រ ពីចំណុចផ្លូវបំបែក ជាប់របងអធិការដ្ឋាននគរបាលក្រុងខេមរភូមិន្ទ រហូតដល់ផ្លូវបេតុងមេ ស្ថិតក្នុងភូមិស្ទឹងវែង សង្កាត់ស្ទឹងវែង។

ក្រុមការងារបានពិនិត្យឃើញថា សំណើសុំស្ថាបនាផ្លូវបេតុងមួយខ្សែនេះ គឺជាការចូលរួមចំណែក ក្នុងការអភិវឌ្ឍប្លង់គោលក្រុងខេមរភូមិន្ទផងដែរ ព្រោះថាការស្ថាបនាផ្លូវនេះ មួយផ្នែកស្ថិតលើកំណាត់ផ្លូវក្នុងប្លង់គោលដែលបានអនុម័ត និងមួយទៀត ស្ថាបនាកាត់ដីកម្មសិទ្ធិឯកជន (សូមបញ្ជាក់ថា បន្ទាប់ពីការស្ថាបនារួច កំណាត់ផ្លូវនេះនឹងត្រូវបានដាក់ឲ្យប្រើប្រាស់ជាសាធារណ:) លោក សំវីះ ជាសប្បុរសជន ដែលចំណាយធនធានចូលរួម ក្នុងការអភិវឌ្ឍផ្លូវក្នុងក្រុង និងដាក់លូរំដោះទឹកចំនួន ៣ កន្លែង ព្រមទាំងជួយស្តារប្រឡាយរំដោះទឹកសងខាងផ្លូវបេតុងដែលសាងសង់ និងដាក់ស្លាកសញ្ញាចរាចរណ៍ ព្រមទាំងបំពាក់ប្រព័ន្ធសូឡាបំភ្លឺផ្លូវបន្ថែមទៀត។