សេចក្តីជូនដំណឹងស្តីពីកិច្ចប្រជុំផ្សព្វផ្សាយសេចក្តីសម្រេចកំណត់តំបន់សម្រាប់ធ្វើការវិនិច្ឆ័យដែលមានលក្ខណៈជាប្រព័ន្ធចំនួន០៧ភូមិ គឺភូមិឈើនាង ភូមិជ្រោយស្វាយខាងលិច ភូមិជ្រោយស្វាយខាងកើត ភូមិកំពង់ស្តាំ ភូមិនេសាទ ភូមិភ្នំស្រឡៅ និងភូមិសារ៉ាយ ឃុំជ្រោយស្វាយ ស្រុកស្រែអំបិល ខេត្តកោះកុង
មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកោះកុង សូមជម្រាបជូនដំណឹងដល់សាធារណជន និងអង្គភាពនានា ដែលមានការពាក់ព័ន្ធនឹងក្បាលដីទាំងអស់ស្ថិតនៅភូមិឈើនាង ភូមិជ្រោយស្វាយខាងលិច ភូមិជ្រោយស្វាយខាងកើត ភូមិកំពង់ស្តាំ ភូមិនេសាទ ភូមិភ្នំស្រឡៅ និងភូមិសារ៉ាយ ឃុំជ្រោយស្វាយ ស្រុកស្រែអំបិល ខេត្តកោះកុង ឱ្យបានជ្រាបថា គណៈកម្មការរដ្ឋបាលនឹងផ្សព្វផ្សាយ សេចក្តីសម្រេចកំណត់តំបន់សម្រាប់ធ្វើការវិនិច្ឆ័យចំនួន០៧ភូមិជាតំបន់ធ្វើការចុះបញ្ជីដីដែលមានលក្ខណៈជាប្រព័ន្ធ នៅថ្ងៃចន្ទ១រោចខែពិសាខឆ្នាំម្សាញ់ សប្តស័កព.ស.២៥៦៨ ត្រូវនឹងថ្ងៃទី១២ ខែឧសភា ឆ្នាំ២០២៥ នៅសាលាឃុំជ្រោយស្វាយ
