លោក ជា ច័ន្ទកញ្ញា អភិបាល នៃគណៈអភិបាលស្រុក និងជាប្រធានអនុសាខាកាកបាទក្រហមស្រុកស្រែអំបិល បានដឹកនាំក្រុមការងារ លោកអាធរឃុំ នាំយកគ្រឿងឧបភោគបរិភោគ និងថវិការបស់អនុសាខា ឧបត្ថម្ភជូនប្រជាពលរដ្ឋដែលរងផលប៉ះពាល់ពីខ្យល់កន្ត្រាក់បណ្ដាលឲ្យរបើកដំបូលផ្ទះ និងរលំផ្ទះ ចំនួន ០២គ្រួសារ ស្ថិតនៅភូមិផ្លោង ឃុំបឹងព្រាវ ស្រុកស្រែអំបិល ខេត្តកោះកុង
នៅថ្ងៃទី១០ ខែកក្កដា ឆ្នាំ២០២០ វេលាម៉ោង ១១:៥០ នាទីព្រឹក លោក ជា ច័ន្ទកញ្ញា អភិបាល នៃគណៈអភិបាលស្រុក និងជាប្រធានអនុសាខាកាកបាទក្រហមស្រុកស្រែអំបិល បានដឹកនាំក្រុមការងារ លោកអាធរឃុំ នាំយកគ្រឿងឧបភោគបរិភោគ និងថវិការបស់អនុសាខា ឧបត្ថម្ភជូនប្រជាពលរដ្ឋដែលរងផលប៉ះពាល់ពីខ្យល់កន្ត្រាក់បណ្ដាលឲ្យរបើកដំបូលផ្ទះ និងរលំផ្ទះ ចំនួន ០២គ្រួសារ ស្ថិតនៅភូមិផ្លោង ឃុំបឹងព្រាវ ស្រុកស្រែអំបិល ខេត្តកោះកុង ដោយក្នុងមួយគ្រួសារទទួលបាន អង្ករ ២៥គ.ក្រ មី ០១កេស ត្រីខ ០១យួរ ទឹកស៊ីអ៊ីវ ០១យួរ ទឹកត្រី ០១យួរ និងថវិកា ៥០,០០០រៀល។ ក្នុងនោះដែរ លោកអភិបាលបានឧបត្ថម្ភថវិកាដល់គ្រួសារដែលរងការដួលរលំផ្ទះបន្ថែមទៀត ចំនួន ៣០០,០០០រៀល សម្រាប់ចូលរួមចំណែកក្នុងការសាងសង់ផ្ទះថ្មី និង ៥០,០០០រៀល សម្រាប់ទិញភេសជ្ជៈជូនក្រុមជាងផងដែរ។
ប្រភពៈ ប៊ួ សុភា
