រដ្ឋបាលខេត្តកោះកុង

លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញស្វាគមន៍ ឯកឧត្តម លេង​ វី​ រដ្ឋលេខាធិការ​ ក្រសួងមហាផ្ទៃ តំណាង​ដ៏ខ្ពង់ខ្ពស់​សម្តេច​ក្រឡា​ហោម​ ស​ ខេង​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​មហាផ្ទៃ​ ក្នុងពិធីប្រកាសចូលកាន់មុខតំណែង លោក ទូ​ សាវុធ​ ជាអភិបាល​រង​ នៃ​គណៈអភិបាលខេត្ត​កោះកុង​ ដោយមានការចូលរួមប្រតិភូក្រសួងមហាផ្ទៃ ឯកឧត្តម លោកជំទាវក្រុមប្រឹក្សាខេត្ត លោក លោកស្រី ប្រធាន អនុប្រធាន មន្ទីរ អង្គភាព ព្រមទាំងមន្ត្រីរាជការជុំវិញខេត្ត។

លោកជំទាវអភិបាលខេត្ត បានជម្រាបជូនអង្គពិធីអំពីស្ថានភាពភូមិសាស្រ្ត ប្រជាសាស្ត្រ របស់ខេត្ត ព្រមទាំងរបាយការណ៍ របស់រដ្ឋបាលខេត្ត។ លោកជំទាវសង្ឃឹមយ៉ាងមុតមាំថា លោក ទូ សាវុធ ពិតជាអាចយកបទពិសោធន៍ការងារ និងសមត្ថភាពដឹកនាំ ដើម្បីចូលរួមក្នុងការអនុវត្តតួនាទី ភារកិច្ចថ្មី អោយសម្រេចបានជោគជ័យ សម្រាប់ខេត្តកោះកុងរបស់យើង។