រដ្ឋបាលខេត្តកោះកុង

មន្ទីរផែនការខេត្តកោះកុង សហការជាមួយនាយកដ្ឋានលើកកម្ពស់អាហារូបត្ថម្ភ នៃអគ្គនាយកដ្ឋានផែនការ ក្រសួងផែនការ រៀបចំសិក្ខាសាលាផ្សព្វផ្សាយ ស្ដីពីការលើកកម្ពស់អាហារូបត្ថម្ភនៅកម្ពុជា ក្រោមប្រធានបទ “ការយល់ដឹងអំពីសារៈសំខាន់នៃការប្រើប្រាស់ ទឹកត្រី ទឹកស៊ីអ៊ីវមានជាតិដែក” និងពង្រឹងការអនុវត្តប្រកាសអន្តរក្រសួងលេខ ០៤៨ ក.ជ.អ.ជ ស្ដីពីការផលិតការប្រើប្រាស់ទឹកត្រី ទឹកស៊ីអ៊ីវមានជាតិដែក ក្រោមអធិបតីភាព ឯកឧត្តម ប៉ាន ប៊ុនធឿន រដ្ឋលេខាធិការ ក្រសួងផែនការ ព្រមទាំងមានការអញ្ជើញចូលរួមពី ឯកឧត្ដម លោកជំទាវ បណ្ឌិត អភិបាលរងខេត្ត លោក លោកស្រី ប្រធានក្រុមប្រឹក្សាក្រុង អភិបាលរងស្រុក ថ្នាក់ដឹកនាំ មន្ត្រីរាជការ ប្រធានផ្សារ និងអាជីវករ ពាក់ព័ន្ធជុំវិញខេត្តសរុបប្រមាណ ៧០នាក់ ស្រី ២៩នាក់ នៅសាលប្រជុំកាកបាទក្រហមខេត្តកោះកុង។ សិក្ខាសាលានេះមានគោលបំណង ពង្រឹង និងពង្រីកកម្មវិធីបញ្ចូលជាតិដែកក្នុងទឹកត្រី ទឹកស៊ីអ៊ីវ តាមរយៈការផលិតការប្រើប្រាស់ទឹកត្រី ទឹកស៊ីអ៊ីវមានជាតិដែក បង្កើនចំណេះដឹង និងពង្រឹងការអនុវត្តលិខិតបទដ្ឋានគតិយុត្តិ ឱ្យមានប្រសិទ្ធភាព បង្កើនការចូលរួមពីអ្នកពាក់ព័ន្ធ ជាពិសេសវិស័យឯកជន និងបង្កើនការផលិត និងគុណភាពទឹកត្រី ទឹកស៊ីអ៊ីវមានជាតិដែក។

ព្រឹកថ្ងៃព្រហស្បតិ៍ ១៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមីនា ឆ្នាំ២០២៥

ព្រឹកថ្ងៃព្រហស្បតិ៍ ១៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមីនា ឆ្នាំ២០២៥