លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញទទួលស្វាគមន៍ ឯកឧត្តមបណ្ឌិត ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអគ្គលេខាធិការ នៃគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា ក្នុងកិច្ចប្រជុំពិភាក្សា និងចុះពិនិត្យផ្ទៀងផ្ទាត់ទីតាំងគន្លងខ្សែផ្លូវជិះកង់ទេសចរណ៍ នៅតាមបណ្តោយឆ្នេរសមុទ្រ ក្នុងភូមិសាស្ត្រខេត្តកោះកុង និងប្លង់នគរូបនីយកម្មសួនច្បារកម្សាន្តសាធារណៈមុខសាលាខេត្តកោះកុង
លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញទទួលស្វាគមន៍ ឯកឧត្តមបណ្ឌិត ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអគ្គលេខាធិការ នៃគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា ក្នុងកិច្ចប្រជុំពិភាក្សា និងចុះពិនិត្យផ្ទៀងផ្ទាត់ទីតាំងគន្លងខ្សែផ្លូវជិះកង់ទេសចរណ៍ នៅតាមបណ្តោយឆ្នេរសមុទ្រ ក្នុងភូមិសាស្ត្រខេត្តកោះកុង និងប្លង់នគរូបនីយកម្មសួនច្បារកម្សាន្តសាធារណៈមុខសាលាខេត្តកោះកុង។ កិច្ចប្រជុំនេះក៏មានការអញ្ជើញចូលរួមពីក្រុមការងារនៃគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា មន្ទីរជំនាញពាក់ព័ន្ធ រដ្ឋបាលក្រុង ស្រុក និងរដ្ឋបាលឃុំ សង្កាត់ ដែលមានភូមិសាស្រ្តជាប់តំបន់ឆ្នេរសមុទ្រខេត្តកោះកុង។ តាមរយៈការសិក្សាបឋម គន្លងខ្សែផ្លូវជិះកង់ទេសចរណ៍ ក្នុងភូមិសាស្រ្តខេត្តកោះកុង មានប្រវែងប្រហែល ៣៣៨គីឡូម៉ែត្រ នៃចំនួនខ្សែផ្លូវសរុបប្រហែល ៥៧៤គីឡូម៉ែត្រ ដែលជាខ្សែផ្លូវវែងជាងគេ និងឆ្លងកាត់ស្រុកស្រែអំបិល ស្រុកបូទុមសាគរ ស្រុកគិរីសាគរ ស្រុកកោះកុង ក្រុងខេមរភូមិន្ទ និងចុងបញ្ចប់គឺភូមិចាំយាម ឃុំប៉ាក់ខ្លង ស្រុកមណ្ឌលសីមា ដែលជាទីបញ្ចប់នៃខ្សែផ្លូវជិះកង់ទេសចរណ៍តំបន់ឆ្នេរសមុទ្រកម្ពុជា។
ថ្ងៃសុក្រ ៨រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែមីនា ឆ្នាំ២០២៥ March 21, 2025
