លោក សែម សំអាង នាយករដ្ឋបាលស្រុកកោះកុង ដឹកនាំក្រុមការងារស្រុកកោះកុង ចុះពិនិត្យកែសម្រួលខ្សែផ្លូវ គម្រោងជួសជុលផ្លូវក្រាលក្រួសក្រហមចំនួន ០១ខ្សែ ស្ថិតនៅភូមិកោះអណ្តែត ឃុំតាតៃក្រោម ស្រុកកោះកុង ខេត្តកោះកុង
ស្រុកកោះកុង ៖ ថ្ងៃព្រហស្បតិ៍ ៧រោច ខែផល្គុន ឆ្នាំរោង ឆស័កពុទ្ធសករាជ ២៥៦៨ ត្រូវនឹងថ្ងៃទី២០ ខែមីនា ឆ្នាំ២០២៥ លោក សែម សំអាង នាយករដ្ឋបាលស្រុកកោះកុង បានដឹកនាំលោក អ៉ឹង បឺត ប្រធានការិយាល័យផែនការនិងគាំទ្រឃុំ សង្កាត់ និងលោក គាំ សុខចំរេីន អនុប្រធានអង្គភាពលទ្ធកម្ម និងលោក ជួន ចិន្តា អនុប្រធានការិយាល័យកសិកម្ម ធនធានធម្មជាតិ និងបរិស្ថាន ស្រុកកោះកុង សហការជាមួយរដ្ឋបាលឃុំតាតៃក្រោម ចុះពិនិត្យកែសម្រួលខ្សែផ្លូវ គម្រោងជួសជុលផ្លូវក្រាលក្រួសក្រហមចំនួន ០១ខ្សែ ស្ថិតនៅភូមិកោះអណ្តែត ឃុំតាតៃក្រោម ស្រុកកោះកុង ខេត្តកោះកុង ដែលប្រេីប្រាស់ថវិកាមូលនិធិស្រុកកោះកុង សម្រាប់ឆ្នាំ២០២៥
ក្រោយការចុះពិនិត្យជាក់ស្តែង ជាលទ្ធផលជាបឋមមានដូចខាងក្រោម៖
១.ផ្លូវមានប្រវែង ៤គីឡូម៉េត្រ
២.ដាក់លូមូលទោលចំនួន ១កន្លែង
៣.ដាក់លូប្រអប់៣x៣ ចំនួន ៣កន្លែង
សកម្មភាពការងារបន្ត ៖
១.ប្រជុំបច្ចេកទេសតំឡេីងនិយាមការខ្សែផ្លូវ
២.ប្រជុំពិភាក្សាបច្ចេកទេសជាមួយរដ្ឋបាលឃុំ កំណត់ខ្សែផ្លូវ
៣.បូកសរុបលទ្ធផលសិក្សា រៀបចំបច្ចេកទេសផ្លូវជាមួយមន្រ្តីបច្ចេកទេសខេត្ត
