រដ្ឋបាលខេត្តកោះកុង

បណ្ឌិត អ៊ុក ភ័ក្រ្តា អភិបាលរង នៃគណៈអភិបាលខេត្តកោះកុង បានដឹកនាំក្រុមការងារខេត្ត ចូលរួមជាមួយគណៈកម្មការអន្តរក្រសួង ដឹកនាំដោយឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា(CDC) បានចុះមកពិនិត្យ សិក្សាវាយតម្លៃ និងរៀបចំប្លង់មេលើបណ្តាកោះ ដែលមានសក្តានុពលសេដ្ឋកិច្ច និងគម្រោងវិនិយោគរបស់បណ្តាក្រុមហ៊ុនមួយចំនួន ដែលបានចុះកិច្ចសន្យាជួលកោះ ឆ្នេរ និងរមណីយដ្ឋាននានា ជាមួយរាជរដ្ឋាភិបាល នៅខេត្តកោះកុង។ គម្រោងវិនិយោគកោះ ឆ្នេរ នៅខេត្តកោះកុង ដែលបានចុះពិនិត្យ មានដូចជា កោះពុតសារកណ្តាល កោះទទឹង កោះអំពិល (Full Moon Resort) កោះស្មាច់ និងកោះម្នាស់។ ជាមួយគម្រោងដែលបានចុះកិច្ចសន្យា អភិវឌ្ឍន៍ កោះទទឹង សម្រេចបានប្រហែល៩០% កោះអំពិល សម្រេចបានប្រហែល៧០% និងកំពុងសាងសង់បន្ទប់បន្ថែមចំនួន២កោះទៀត (កោះអំពិលមាន៣កោះ) ដែលនឹងចប់រួចរាល់ចុងឆ្នាំ២០២៥ កោះស្មាច់ សម្រេចបានប្រហែល៥០% កោះពុតសារកណ្តាលសម្រេចបានប្រហែល៣០% និងកោះម្នាស់ កំពុងដំណើរការសាងសង់ ក្នុងនោះរដ្ឋបាលខេត្ត សង្ឃឹមយ៉ាងម៉ុតមាំថា ការវិនិយោគកោះ ឆ្នេរ ក្នុងភូមិសាស្រ្តខេត្តកោះកុង គឺជាការអភិវឌ្ឍហេដ្ឋារចនាសម្ព័ន្ធទេសចរណ៍មួយ ដែលមានផែនការមេច្បាស់លាស់ និងនាំឱ្យខេត្តកោះកុងក្លាយជាខេត្ត ដែលមានសក្តានុពលទេសចរណ៍តំបន់ឆ្នេរសមុទ្រដ៏ទាក់ទាញសម្រាប់ទេសចរក្នុងប្រទេស និងអន្តរជាតិ។
ថ្ងៃព្រហស្បតិ៍ ៧រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែមីនា ឆ្នាំ២០២៥ March 20, 2025