រដ្ឋបាលខេត្តកោះកុង

តាតៃក្រោម,ថ្ងៃពុធ ១៤កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែមីនា ឆ្នាំ២០២៥ វេលាម៉ោង ៨:០០នាទីព្រឹក លោក អ៊ូ ឆេនឆៃវិសាន្ដ ប្រធានក្រុមប្រឹក្សាឃុំ និងជាមេឃុំតាតៃក្រោម បានដឹកនាំ លោកស្រី ស៊ើត សុខុម សមាជិកក្រុមប្រឹក្សាឃុំ និងលោក ឃិន វិសាល ស្មៀនឃុំ អញ្ជើញចូលរួមវគ្គបំប៉នរបស់លេខាធិការដ្ឋានគណៈកម្មាធិកាជាតិដឹកនាំអនុវត្តកម្មវិធីផ្ដល់ដីការពារព្រៃដើម្បីរួមគ្នាអភិវឌ្ឍដោយចីរភាព (ផ.ក.អ) ក្រោមការដឹកនាំដោយ លោក ហួត សារឹម អភិបាលរងស្រុកកោះកុង កិច្ចប្រជុំតាមប្រព័ន្ធ អនឡាញ (Zoom) ក្រោមអធិបតីភាព ឯកឧត្ដម សរ សុវណ្ណ អនុប្រធានប្រចាំការ និងជាប្រធានលេខាធិការដ្ឋាននៃគណៈកម្មាធិកាធិការជាតិដឹកនាំអនុវត្តកម្មវិធីផ្ដល់ដីការពារព្រៃដើម្បីរួមគ្នា អភិវឌ្ឍដោយចីរភាព(ផ.ក.អ) សមាសភាពចូលរួម លោកនាយករងរដ្ឋបាលសាលាស្រុក លោក លោកស្រីមេឃុំ ស្មៀនឃុំទាំង៤ សរុបចំនួន ១២នាក់ ស្រី ០២នាក់ សាលប្រជុំសាលាស្រុកកោះកុង។